KASEء-تىڭ تاڭعى سەسسياسىندا دوللار باعامى 307،53 تەڭگەگە جەتتى، - دەپ حابارلايدى «قامشى» پورتالى Tengrinews.kz-كە سىلتەمە جاساپ.

6 قاراشادا العاشقى ساۋدا 302 تەڭگەمەن جاسالدى. بۇل ەڭ تومەنگى باعا بولدى. ال، ەڭ جوعارىسى - 309،5 تەڭگەگە جەتكەن.

بۇگىن دوللار قازاقستاندىق اقشا ايىرباستاۋ ورىندارىندا 300-311 تەڭگە ارالىعىندا ساتىلىپ جاتىر. ساراپشىلاردىڭ پىكىرىنشە، دوللاردىڭ قىمباتتاۋى ق ر ۇلتتىق بانكى باسشىسىنىڭ اۋىسۋىمەن بايلانىستى.

ەسكە سالا كەتەيىك، ۇلتتىق بانكتىڭ جانە ۇلتتىق قوردىڭ التىنۆاليۋتا اكتيۆتەرىن ساقتاۋ ماقساتىندا ۇلتتىق بانك 2015 جىلعى 5 قاراشادان باستاپ ءوزىنىڭ ۆاليۋتا نارىعىنا قاتىسۋىن بارىنشا ازايتۋ تۋرالى شەشىم قابىلدادى. تەڭگەنىڭ ايىرباستاۋ باعامىنىڭ بۇدان بىلايعى قۇبىلۋى نەگىزىنەن الەمدىك قارجى جانە تاۋار نارىقتارىنداعى باعا احۋالىنىڭ سەرپىنىمەن ايقىندالاتىن فاكتورلاردىڭ اسەرىنەن قالىپتاساتىن بولادى.