قىتايدا «ممم» جەلىسىنە قىزىعۋشىلىق Bitcoin ۆيرتۋالدى ۆاليۋتاسىنىڭ باعامىن كوتەرىپ جىبەرگەن. بۇل تۋرالى «قامشى» پورتالى psm7.com – عا سىلتەمە جاساپ حابارلايدى.
Bitcoin ۆيرتۋالدى ۆاليۋتاسى باعامىنىڭ ءوسۋى وسى اپتادا قىتايدا بۇرىن بولماعان مەجەگە كوتەرىلىپ، 490 اقش دوللارىنا جەتتى. ساراپشىلار ۆيرتۋالدى ۆاليۋتا باعامىنىڭ بۇلاي ءوسۋىن «ممم» اتتى الەۋمەتتىك قارجىلىق جەلىنىڭ ەل اراسىنداعى تانىمالدىلىعىنىڭ ارتۋىمەن بايلانىستىرادى. جەلى شارتى بويىنشا وعان قاتىسۋشىلار وسىنداي «بيتيكوين» ۆاليۋتاسىن ساتىپ الۋعا مىندەتتەلەدى.
سونىمەن قاتار، قارجىلىق جەلى قاتىسۋشىلارىنا جاڭادان قوسىلعان ءاربىر رەفەرال ءۇشىن 30 پايىز كىرىس ۋادە ەتىلەدى. وسىلايشا قىتايدا اشىلعانىنا ءبىر عانا جىل بولعان سەرگەي ءماۆروديدىڭ قارجىلىق جەلىسى قىتايلار اراسىندا زور سۇرانىسقا يە بولىپ وتىر.
