بۇل پوستى جازباس بۇرىن "مەن گەنانى قاتتى قۇرمەتتەيمىن. ول- ۇلى سپورتشى" دەپ، گگگ قۇرمەتىمدى بىلدىرەيىن. ەندى نەگىزگى ويىم: وتكەندە "نۇر وتاننىڭ" پوليتەحنولوگتارى گەنانى ۇلتتىق يدەولوگياعا بالاپ، ەزۋ جىرتىپ جاتىر ەدى. جابىلا قولداۋشى كوپ بولدى، ءتىپتى، "ۇلت (مەملەكەت حالقى) " دەگەن سۋماقاي تىركەسكە نازار اۋدارماستان ۇلارداي شۋلادى. ەندى سۇراق قويايىنشى مەملەكەت حالقى ياعني نۇروتاندىق ساياساتكەرلەر ويىنداعى "ۇلت" قالاي اتالادى؟ دۇرىس، "قازاقستاندىق". سوندا ءبىز ءبىر بوكسشى ءۇشىن قازاق دەگەن اتاۋدان باس تارتامىز با؟! ال قانات يسلام ۇلتتىق يدەولوگيا بولماسا دا ۇلتتىڭ ۇلاندارىنا يدەال بولاتىن ازامات. ءبىر جارىم ميلليارد قىتايدىڭ ورتاسىندا اتوي سالىپ، ەلگە ورالعاندا جاسىق قازاقتى كورىپ كۇيىنىپ، "بەس قارۋىن سايلانىپ" اقش اتتانىپ، امەريكالىق رينگتە تالايدى سۇلاتقان باتىر. قىزىلباستىڭ ەلىن شاپقان قوبلااندى دەيسىڭ بە، قازاندى العان ءقارادوڭ دەيسىڭ بە ءوز ەركىڭ، وسى زامان جىرشىلارى شىعاراتىن كەز كەلگەن ەپوسقا كەيىپكەر بولا الادى. قازاق دەپ سوققان جۇرەگى، شەشەندى سۇرىندىرەر ءسوزى بار جىگىت. مىنە. قازاق جاستارى وسىنداي ءبىر ءوزى ميلليون، ميللياردتاردى تىزە بۇكتىرگەن الىپ اعالارىن ءپىر تۇتۋى كەرەك! ءبىراق وندايلاردى دارىپتەۋگە كەلگەندە قازاقستاندىقتاردا اقشا دا، نيەت تە تاۋسىلىپ قالادى، نۇروتاندىقتار دا "سىپايى" سوزدەر جازبايدى. ال ءبىز باتىر باۋىرىمىزدىڭ ءجۇزىن ءوز ەكرانىمىزدان كورە الماي قور بولامىز. بۇگىن دە قور بولدىق، قورلاندىق.... قاناتتىڭ ءوز سوزىمەن ايتساق: شاتالاردان قۇتىلماي قازاقتىڭ باعى جانبايدى!

Serik Abiken فەيسبۋك پاراقشاسىنان