قازاقستاندىق عارىشكەر توقتار اۋباكىروۆ جايلى دەرەكتى فيلم 2016 جىلدىڭ سوڭىندا شىعادى. بۇل تۋرالى «قامشى» پورتالى Tengrinews-كە سىلتەمە جاساپ حابارلايدى.

كارتينا رەجيسسەرى – سلامبەك تاۋەكەل. ونىڭ ايتۋىنشا، كارتينا توقتار اۋباكىروۆتىڭ 70 جىلدىق مەرەيتويىنا جانە قازاقستان عارىشكەرىنىڭ عارىشقا ۇشقانىنا 25 جىل تولۋىنا ارنالعان. قازاقتان شىققان تۇڭعىش عارىشكەر تۋرالى دەرەكتى ءفيلمنىڭ ءتۇسىرىلىم جۇمىستارى بيىل ءساۋىر ايىندا باستالعان، ءبىراق قارجىلاي قيىندىقتاردىڭ كەسىرىنەن توقتاپ قالعان. قازىرگى ۋاقىتتا ءتۇسىرىلىم جۇمىستارى قايتا جاڭعىرىپ، جىل سوڭىنا دەيىن جالعاسىن تابادى. كورەرمەندەر دەرەكتى ءفيلمدى 2016 جىلى تاۋەلسىزدىك كۇنى قارساڭىندا كورە الادى.  

رەجيسسەردىڭ ايتۋىنشا، كارتينانىڭ حرونومەتراجى 52 مينۋت نەمەسە 26 مينۋتتان تۇراتىن ەكى سەريا. "ءبىز دەرەكتى فيلم ءتۇسىرىپ جاتىرمىز - نەگىزىنەن قازاقتىڭ ءبىرىنشى عارىشكەرىنىڭ ءومىربايانى. سەبەبى 70 جاس - مەرەيتوي. كارتينا وسى ادامنىڭ بيوگرافياسىمەن بايلانىستى، ونىڭ تۇلعا بولىپ قالىپتاسۋى جايلى. كورەرمەنگە ايتارىمىز بار. وكىنىشكە قاراي، دەرەكتى فيلمدە پروكات بولمايدى. مۇنداي كينونى تەك تەليەۆيزيالىق ەكراننان كورۋگە بولادى. سوندىقتان ءبىز ونى تەليەۆيزيالىق فورماتتىڭ نەگىزىندە جاساپ جاتىرمىز. فيلم قازاقستاننىڭ مادەنيەت جانە سپورت مينيسترلىگىنىڭ تاپسىرىسىمەن "قازاقفيلم" اق كينوستۋدياسىندا ءتۇسىرىلىپ جاتىر"، - دەدى رەجيسسەر. 

ونىڭ ايتۋىنشا، تاياۋدا ول توقتار اۋباكىروۆپەن بىرگە ماسكەۋگە ۇشادى. ال، عارىشكەردىڭ ومىرىندەگى ماڭىزدى جەرلەر اۆستريا مەن گرۋزياعا بارۋعا ءتۇسىرىلىم توبىنىڭ قاراجاتى جوق. "جۇمىستى كەش باستادىق جانە قاراجات جوق. ءبىراق ءبارىمىز ەنتۋزياستپىز جانە ونى ءاربىر قازاقستاندىققا جەتكىزگىمىز كەلەدى"، - دەدى تاۋەكەل.