ەنە مەن كەلىن اراسىنداعى جانجال ادام ولىمىمەن اياقتالدى. تۇرمىستىق جانجال سالدارىنان 85 جاستاعى كەيۋانا كوز جۇمدى. بۇل تۋرالى «قامشى» پورتالى rgmedia.kz/-كە سىلتەمە جاساپ حابارلايدى.

الماتى وبلىستىق ىىد-دەگىلەر وسىنداي ءبىر جانتۇرشىگەرلىك وقيعاعا قاتىستى قىلمىستىق ءىس قوزعادى. وقيعا 4 قاراشا كۇنى تاڭعى ۋاقىتتا ورىن العان. 35 جاستاعى كەلىن 85-تەگى ەنەسىمەن جانجالداسىپ قالادى. سوڭىندا كەيۋانا كوز جۇمعان. بۇل ساتتە ۇيدە وتباسىنىڭ وزگە مۇشەلەرى بولماپتى.

سوت-مەديسينالىق ساراپتاما ناتيجەسىندە اجەيدىڭ مەحانيكالىق اسفيكسيادان قايتىس بولعانى راستالعان. ال كەلىن ەنەسىن قىلقىندىرىپ ءولتىردى دەگەن كۇدىكپەن ۋاقىتشا ۇستاۋ يزولياتورىنا قاماۋعا الىندى جانە اۋىر قىلمىسىن مويىنداعان. الدىن الا دەرەكتەر بويىنشا، كىسى ولتىرۋگە ەنەسى مەن كەلىنىنىڭ اراسىنداعى بۇرىننان بار كەلىسپەۋشىلىك سەبەپ بولعان.