وزدەرىن «يراك پەن شامداعى يسلام مەملەكەتى» اتايتىن دايش لاڭكەستەرى سيريادا 200 بالانى اتىپ تاستاعان ۆيدەو عالامتوردا جاريالاندى. بۇل تۋرالى «قامشى» پورتالى Mirror Online-گا سىلتەمە جاساپ حابارلايدى.
ۆيدەونى لاڭكەستىككە قارسى يەمەندىك بەلسەندىلەر جاريالاعان.
وقيعانىڭ ۆيدەوسى دۇيسەنبى كۇنى باتىستىڭ جانە رەسەيدىڭ بۇقارالىق اقپارات قۇرالدارىندا دا كورسەتىلدى. ۆيدەودا سودىرلار بالالاردى اتپاستان بۇرىن ولاردىڭ قولدارى بايلاپ، ەكپەتتەرىنەن جاتقىزىپ قويعانى كورىنەدى. بۇدان كەيىن سودىرلار اۆتوماتپەن اتا باستايدى.
باسىلىمنىڭ مالىمەتىنشە، ۆيدەونىڭ ءتۇپنۇسقا ەكەنىن دالەلدەۋ ازىرشە مۇمكىن ەمەس، ءبىراق دايش سودىرلارىنىڭ بۇعان دەيىن دە كەپىلگە العان ادامداردى، ولاردىڭ ىشىندە جاسوسپىرىمدەر مەن بالالاردى اتىپ، ۆيدەوعا تۇسىرگەنى ايتىلادى.
ءوز كەزەگىندە Daily Mail باسىلىمى بولسا بالالاردى اتۋ وقيعاسىنىڭ 2014 جىلدىڭ تامىز ايىندا بولعانىن بولجايدى. باسىلىمنىڭ مالىمەتىنشە، روليكتە باشار اسادتىڭ ارمياسىنىڭ جاۋىنگەرلەرى. الايدا مۇندا دا گازەت دالەل كەلتىرمەيدى.
