اقوردانىڭ Facebook جەلىسىندەگى رەسمي پاراقشاسىندا ونلاين-بريفينگتە مەملەكەت باسشىسى نۇرسۇلتان نازاربايەۆتىڭ باسپا ءسوز حاتشىسى داۋرەن ابايەۆ «قازاقپارات» حالىقارالىق اقپارات اگەنتتىگىنىڭ ساۋالىنا جاۋاپ بەردى. بۇل تۋرالى «قامشى» پورتالى حابارلايدى.
«رف مەملەكەتتىك دۋماسىنىڭ تمد ىستەرى جونىندەگى كوميتەت ءتوراعاسى لەونيد سلۋسكييدىڭ قازىرگى ۋاقىتتا ەاەو ەلدەرى ءۇشىن ءبىرىڭعاي ەسەپ ايىرىسۋ بىرلىگىن قۇرۋ بويىنشا جۇمىستار جۇرگىزىلىپ جاتىر دەگەن سوزىنە قاتىستى نە ايتا الاسىز؟» دەگەن ساۋالعا داۋرەن ابايەۆ: «قازىرگى تاڭدا ەسەپ ايىرىسۋ بىرلىگى مەن ەاەو ورتاق ۆاليۋتاسىن قۇرۋ ماسەلەسى كۇن تارتىبىندە تۇرعان جوق. بۇل ماسەلە ينتەگراسيالىق بىرلەستىكتىڭ ءبىر دە ءبىر دەڭگەيىندە تالقىلانىپ جاتقان جوق»، - دەيدى ءوز جاۋابىندا داۋرەن ابايەۆ.
