قاراعاندىلىق ءسان اگەنتتىگىنىڭ ديرەكتورى 16-22 جاس ارالىعىنداعى بويجەتكەندەردى شەتەلگە ءتان ساۋدالاۋعا جىبەرىپ وتىرعان. بۇل تۋرالى «قامشى» پورتالى Baq.kz–كە سىلتەمە جاساي وتىرىپ حابارلايدى.

«ۇيىمداسقان قىلمىسقا قارسى كۇرەس باسقارماسى قىزمەتكەرلەرى جۇرگىزگەن جەدەل ىزدەستىرۋ ءىس-شارالارى بارىسىندا 21 جاستاعى ءسان اگەنتتىگىنىڭ ديرەكتورى قۇرىقتالدى. قولدا بار جەدەل اقپاراتقا سايكەس قۇرىقتاۋ وپەراسياسى ءسان اگەنتتىگىنىڭ ديرەكتورى بىرىككەن اراب امىرلىگىمەن باحرەينگە ءسان بيزنەسىمەن اينالىسۋعا جىبەرىلگەن قىزدار ول جاقتا جىنىستىق قاتىناس قىزمەتىن كورسەتۋگە يتەرمەلەگەن»، - دەلىنگەن حابارلامادا.
باسپا ءسوز قىزمەتىنەن حابارلاعانداي، اگەنتتىك ديرەكتورى 16 مەن 22 جاس ارالىعىنداعى قىزدارعا «قوماقتى اقشا بەرەم» دەپ الداپ نەمەسە قورقىتىپ كوندىرىپ وتىرعان. 

قازىرگى ۋاقىتتا پوليسيا قىزمەتكەرلەرى 17 قىزدىڭ جەكە باسى انىقتاعان، ولاردىڭ جارتىسى ءالى شەتەلدە قالىپ وتىر. 

«جابىرلەنۋشىلەردىڭ اراسىندا 15 جاستاعى قىز بالا دا بار. ول شەتەلگە اناسىنىڭ قولحاتى ارقىلى ءسان ۇيىنە فوتوسەسسيا جاساۋ ماقساتىندا باراتىندىعىن ايتىپ كەتكەن»، - دەيدى باسپا ءسوز قىزمەتىنىڭ ماماندارى. 
ايتا وتەيىك، ۇستالعان ازاماتشاعا قاتىستى ق ر قك-نىڭ 128 بابى 3 تارماعى «ادام ساۋداسى» بويىنشا سوتقا دەيىنگى تەرگەپ -تەكسەرۋ امالدارى جۇرگىزىلۋدە. قازىرگى ۋاقىتتا ازاماتشا ۋاقىتشا ۇستاۋ يزولياتورىنا قامالدى.