الماتىدا توي كورتەجى تاعى دا جول ەرەجەسىن بۇزدى. ولاردىڭ ەكەۋى اكىمشىلىك جاۋاپكەرشىلىككە تارتىلدى، - دەپ حابارلايدى «قامشى» پورتالى الماتى قالالىق ءىىد باسپا ءسوز قىزمەتىنە سىلتەمە جاساپ
وتكەن سەنبىدە اباي مەن بايزاقوۆ كوشەلەرىنىڭ قيىلىسىندا توي كورتەجىنىڭ بىرنەشە كولىگى جولدا ءقاۋىپ تۋعىزاتىن مانيەۆر جاساپ، قاراما-قارسى باعىتقا شىعىپ كەتكەن. ولاردىڭ ارەكەتى قالاداعى بەينەكامەرالارعا تۇسىرىلگەن.
ءقازىر 2 كولىك جۇرگىزۋشىسى ق ر اقبك 601، 595-باپتارىنىڭ 1-بولىمىمەن جاۋاپكەرشىلىككە تارتىلدى.
سونداي-اق، قاراما-قارسى باعىتقا شىعىپ، جول قوزعالىسىنىڭ قاتىسۋشىلارىنا ءقاۋىپ توندىرەتىن مانيەۆر جاساعان 2 ادامنىڭ كىم ەكەندىگى انىقتالدى. قالالىق پوليسيا قىزمەتكەرلەرى ولاردى ىزدەۋ شارالارىنا كىرىستى. ۆيدەو 365 info.kz سايتىندا جاريالاندى.
