قاراعاندىدا قازىبەك بي اۋداندىق پروكۋرورىنىڭ كومەكشىسى جول-كولىك وقيعاسىن جاساعانى ءۇشىن جاۋاپكەرشىلىككە تارتىلىپ جاتىر، - دەپ حابارلايدى «قامشى» پورتالى «ينتەرفاكس-قازاقستانعا» سىلتەمە جاساپ.

10 قاراشا كۇنى پروكۋراتۋرا قىزمەتكەرى مەن ونىڭ كومەكشىسى وتىرعان كولىك قارسى باعىتتاعى اۆتوموبيلمەن سوقتىعىسىپ، وسىدان كەيىن پروكۋرور جۇرگىزۋشى ورىندىعىنا وتىرىپ، اپات بولعان جەردەن كەتىپ قالماقشى بولعان. 

"مۇنى كورگەن وزگە ەكى جولاۋشى ولاردىڭ جولىن بوگەدى، دەگەنمەن ايەل سول اۆتوموبيلدەرگە قاراي جۇرە بەرەدى. ول ۇستالىپ، اكىمشىلىك قۇقىق بۇزۋشىلىق جاساعانى ءۇشىن حاتتاما تولتىرىلدى. ونىڭ كومەكشىسىنىڭ ۇستىنەن دە حاتتاما تولتىرىلدى"، - دەدى پوليسەي.

قاراعاندى وبلىسى پروكۋراتۋراسى "ينتەرفاكس-قازاقستان" اگەنتتىگىنە وسى دەرەكتى راستادى. ۆەدومستۆو وكىلى ۇجىمداستارىنىڭ وزدەرىنە جۇكتەلگەن جاۋاپكەرشىلىكتى تولىقتاي وتەيتىنىن ايتتى. "قىزمەتتىك ادەپ، مەملەكەتتىك قىزمەتكەردىڭ ادەبى جانە باسقا دا نورماتيۆتىك اكتتەر جۇمىستان تىس ۋاقىتتا دا مۇنداي قىلىقتار جاساۋعا جول بەرمەيدى. ءقازىر قىزمەتتىك تەكسەرىس تاعايىندالدى"، - دەپ حابارلادى پروكۋراتۋرا.