«قازاقستان» رەسپۋبليكالىق تەلەراديوكورماراسياسى «قازاقستان-سەمەي» تەلەارناسىنىڭ جابىلۋىنا بايلانىستى مالىمدەمە تاراتتى، - دەپ حابارلايدى «قامشى» پورتالى.      

«قازىرگى ۋاقىتتا «قازاقستان» رترك» اق (بۇدان ءارى – كورپوراسيا) كورپوراسيانىڭ تيىمدىلىگىن ارتتىرۋ ماقساتىندا ونى ترانسفورماسيالاۋدى جۇزەگە اسىرۋدا.

مەملەكەت اۋماعىنىڭ 98% حابار تاراتۋمەن قامتيتىن جانە ءار ءوڭىر ورتالىعىندا ورنالاسقان 13 وبلىستىق جانە سەمەي قالاسىنداعى 1 قالالىق فيليالى بار، مەملەكەتتىك اقپاراتتىق ساياساتتى جۇزەگە اسىراتىن «قازاقستان» تەلەارناسى كورپوراسيانىڭ باستى مەديا-رەسۋرستارىنىڭ ءبىرى بولىپ تابىلادى.

1997 جىلى وڭىرلەردى اكىمشىلىك رەفورمالاۋ كەزىندە سەمەي جانە شىعىس قازاقستان وبلىستارى بىرىكتىرىلىپ، شىعىس قازاقستان وبلىسى وسكەمەن قالاسىنداعى ءبىر ورتالىققا باعىندىرىلدى. ناتيجەسىندە، ءبىر اكىمشىلىك-اۋماقتىق بىرلىكتە ءبىرىن-بىرى قايتالايتىن 2 تەلەارنا قىزمەت اتقارا باستادى. بۇل جاعداي مەملەكەتتىك قاراجاتتىڭ ءتيىمسىز جۇمسالۋىنا الىپ كەلدى.

بۇدان باسقا، «اقپاراتتىق قازاقستان – 2020» ستراتەگيالىق دامۋ جوسپارىنا سايكەس 2018 جىلعا قاراي قازاقستان رەسپۋبليكاسىنىڭ بارلىق اۋماعى ساندىق حابار تاراتۋعا تولىعىمەن اۋىستىرىلۋ قاراستىرىلعان. ياعني، 2018 جىلى قىزمەت كورسەتۋى ۇلكەن شىعىنداردى قاجەت ەتەتىن انالوگتىق حابار تاراتۋ تولىعىمەن توقتاتىلادى. ساندىق پاكەتكە، قالالىق دەڭگەيدەگى ارنالاردى قوسپاعاندا، بارلىق وبلىستىق تەلەارنالار ەنگىزىلەتىن بولادى.

جوعارىدا ايتىلعاندى نەگىزگە الا وتىرىپ، مەملەكەتتىك قاراجاتتى ءتيىمدى جۇمساۋ ماقساتىندا كورپوراسيا «قازاقستان-سەمەي» تەلەارناسىن «قازاقستان-وسكەمەن» تەلەارناسىنىڭ قۇرامىنا قوسۋ تۋرالى شەشىم قابىلدادى. سونىمەن بىرگە، سەمەي قالاسىنىڭ تۇرعىندار سانى 339 مىڭنان استام ادامعا جەتەتىنىن جانە ولاردىڭ باسىم بولىگى «قازاقستان-سەمەي» تەلەارناسىنىڭ اۋديتورياسىن قۇرايتىنىن ەسكەرە وتىرىپ، تەلەارنانىڭ ماتەريالدىق-تەحنيكالىق بازاسىنداعى تانىمال باعدارلامالاردى «قازاقستان-وسكەمەن» تەلەارناسىنىڭ حابار تاراتۋ كەستەسىنە قوسۋ ارقىلى ساقتاپ قالا وتىرىپ، سەمەيدە كەڭەيتىلگەن تىلشىلەر قوسىنىن قۇرۋ تۋرالى شەشىم قابىلداندى.

وسى ورايدا، «قازاقستان-2050» دامۋ ستراتەگياسىن، ەلباسى نۇرسۇلتان نازاربايەۆتىڭ ۇلت جوسپارى - «100 ناقتى قادام» بەس ينستيتۋسيونالدىق رەفورماسىن، «ماڭگىلىك ەل» پاتريوتتىق اكتىسىن، «نۇرلى جول» باعدارلاماسىن جانە باسقا دا باعدارلامالىق قۇجاتتاردى ورىنداۋ شەڭبەرىندە مەملەكەتتىك اقپاراتتىق ساياساتتىڭ باسىم باعىتتارى بۇكىل شىعىس قازاقستان وبلىسىن  حابار تاراتۋمەن تولىق قامتيتىن «قازاقستان-وسكەمەن» تەلەارناسى ارقىلى جۇزەگە اسىرىلاتىن بولادى.

قازىرگى ۋاقىتتا سەمەي قالالىق تەلەارناسىنىڭ جاڭا جاعدايداعى ءوندىرىس كولەمىن انىقتاۋ ماقساتىندا كورپوراسيا قىزمەتكەرلەرىنەن تۇراتىن ارنايى جۇمىس توبى قۇرىلدى. ونىڭ قورىتىندىسى بويىنشا شتاتتىق قۇرامى شامامەن 30 بىرلىكتەن تۇراتىن جاڭا شتاتتىق كەستە قالىپتاستىرىلماق. سەمەي ق. فيليالىندا قىزمەتىنەن بوساتىلعان بارلىق قىزمەتكەرلەرگە كورپوراسيانىڭ وندىرىستىك قۇرىلىمدارىندا، اتاپ ايتقاندا استانا، الماتى قالالارىنداعى جانە باسقا دا وبلىستىق فيليالدارداعى بوس قىزمەت ۆاكانسيالارى باسىمدىق نەگىزدە ۇسىنىلاتىن بولادى. 

مۇنىمەن قاتار، «قازاقستان-سەمەي» تەلەارناسىنىڭ قارجىلىق قىزمەتىنىڭ شىعىنى باسىم ەكەندىگىن، اتاپ ايتقاندا 158،5 ملن. تەڭگەنى قۇرايتىن جىلدىق جالپى شىعىننىڭ قۇرىلىمى تومەندەگىدەي ەكەنىن اتاپ وتكەن ءجون:

-         جارناما قىزمەتى ەسەبىنەن تۇسەتىن كوممەرسيالىق كىرىس «قازاقستان-سەمەي» فيليالىنىڭ جالپى كىرىس سوماسىنىڭ 11% قۇرايدى؛

-         جەرگىلىكتى بيۋدجەتتەن كىرىس سوماسى 19% قۇرايدى؛

-         قالعان شىعىن مەملەكەتتىك بيۋدجەت ەسەبىنەن دوتاسيالانادى» دەلىنگەن مالىمدەمەدە.