احمەتجان ەسىموۆ الماتى قالاسىنا اكىم بولعالى جىل سايىنعى ەسەبىن تۇگەلدەي ورىس تىلىندە وتكىزىپ ءجۇر. اسىلى، ول كىسى كەڭەس وداعىنىڭ تاراپ، قازاقستاننىڭ تاۋەلسىزدىك العانىنان بەيحابار بولسا كەرەك. ءبىز تومەندە "اباي" پورتالىنىڭ ءتىلشىسى تىڭداعان "ەسەپتى" نازارلارىڭىزعا ۇسىنىپ وتىرمىز

الماتى. رەسپۋبليكا سارايى. قالا اكىمى ەسىموۆتىڭ ەسىل جۇرتىمەن كەزدەسىپ ەسەپ بەرەتىن جيىنىنا كەلىپ وتىرمىن. ۇلكەن زال لىق تولى. ءبىز باسپا ءسوز وكىلدەرى بولەك وتىرمىز. ماڭايىمدا ازىرگە قازاق باسپاسوزىنەن ەشكىم كورىنە قويعان جوق. ازدان سوڭ كەلىپ قالار. ايتپاقشى، كۋيانوۆ ءجۇر. قويقاڭ-قويقاڭ ەتەدى. "الماتى" ارناسىنىڭ باسشىسى ەسىموۆتىڭ باسپا ءسوز قىزمەتىن دە باسقاراتىن سياقتى. ەسىموۆ ءالى توبە كورسەتە قويعان جوق. الدىن الا بەرىلىپ جاتقان اقپاراتتارعا قاراعاندا وتكەن جىلى 420 وتباسى پاتەرلى بولىپتى، الماتى 95 پايىز كوگىلدىر وتىنمەن قامتاماسىز ەتىلىپتى.

"جەلتوقسان اقيقاتى" قوزعالىسىنىڭ مۇشەلەرى اكىمنىڭ ەسەپ بەرۋ جيىنىنا كىرە الماي تۇر. ولاردىڭ اكىمگە قوياتىن 7 سۇراعى بار ەكەن. "نە قابىلداۋىنا جەتە المايمىز، نە حالىقپەن جۇزدەسۋىنە كىرە المايمىز. بۇل ءوزى قانداي ادام؟ ەسىموۆ مەملەكەتتتىك قىزمەتكەر ەمەس، حان سياقتى" دەيدى ولار.

احمەتتجان كەلدى، ساعات 9.55.

احمەتجان سماگۋلوۆيچ ەسيموۆكە ءسوز بەرىلەدى دەدى.

ارى قاراي:

الماتى قالاسىنىڭ اكىمى احمەتجان ەسىمۆوتىڭ ەسەبى تۇگەلدەي ورىس تىلىندە بولىپ جاتىر. ەڭ باستاپقى 2 مينۋت ۋاقىت تا قازاقشاعا تولىق بۇيىرمادى. ەندى احاڭنىڭ نە ايتىپ، نە قويىپ جاتقانىن قىسقا-قىسقا مازمۇنداپ كورەلىك.

الماتىداعى اۆتوكولىكتەردى گازبەن جۇرەتىن جاسايمىز دەدى. بارەكەلدى!

وسى كۇندە مەترومەن كۇنىنە 80 مىڭ ادام  جۇرەتىن بولىپتى. «وسىنى ايتقانىمدا تەك وسى سالادا جۇرگەندەر عانا قول سوققان سياقتى، قالعاندارىڭ قايدا قاراپ وتىرسىڭدار» دەگەندەي بولدى.

 2013 جىلدى كەرەمەت ەتىپ قورتىندىلادىق، ەلىمىز ەلۋ ەلدىڭ قاتارىنان وزىپ ەندى وتىز ەلدىڭ قاتارىنا ەنۋدى كوزدەپ وتىر.

ءساۋىر ايىنان باستاپ جالاقى، زەينەتاقى، شاكىرتاقى وستەنىدىگى تۋرالى ايتتى. وتكەندە پرەزيدەنت ۇكىمەتتىڭ جيىنىندا نە ايتسا، احاڭ سونى قايتالاۋدا.

ايتپاقشى، ناننىڭ باعاسىندا وزگەرىس بولمايدى دەدى.

2013 جىلى جالپى ۇزىنىدىعى 141 كم ينجەنەرلىك جەلىلەردى قايتا جاڭعىرتۋ جۇمىستارى جۇرگىزىلدى، ونىڭ ىشىندە سۋ قۇبىرى مەن كارىز جەلىلەرى -63 كم، ەلەكترمەن جابدىقتاۋ جەلىلەرى، - 36 ، جىلۋمەن جابدىقتاۋ جەلىلەرى - 21 بولدى

الماتى قلاسى قازاقستانداعى جالپى ىشكى ءونىمنىڭ 18،3 پايىزىنا دەيىن قامتاماسىز ەتىپ، ەل قازانىسىنا مەمبيۋدجەتتىڭ بارلىق كىرىسىنىڭ 28 پايىزىن بەرەدى. "الماتى - ەل بيۋدجەتىنىڭ دونورى بولىپ قالا بەرەدى" دەپ اتاپ ءوتتى اكىم.

اكىم وسنداي-اق الماتىدا دەمالىس ورىندارىنىڭ كوبەيىپ كەلە جاتقانىن، دەمالۋشىلاردىڭ دا كوبەيە باستاعانىن ايتتى. مەدەۋگە كەلىپ كورىڭىزدەر، سەنبى، جەكسەنبى كۇندەرى حالىق تولىپ جۇرەدى دەدى احاڭ.

2014 جىل 2017 جىلعى ۋنيۆەرسااداعا دايىندىقتىڭ باسى ەكەن.

2016 جىلدىڭ ايعىندا ۋنيۆەرسياداعا دايىندىق اياقتالادى، "ۆرەمەني وچەن مالو " دەدى اكىم.

الماتىدا بىلتىر بوكستان الەم چەمپيوناتى ءوتتى، بىرنەشە ونەر جۇلدىزدارىنىڭ كونسەرتتەرى ءوتتى، ءبىز الامتىنى تۋريسيتەر كوپ كەلەتىن قالاعا اينالدىرا بەرەمىز دەدى.

كەرەمەت ايتقان سوزدەرىنىڭ ءبىرى -  الماتى تمد بويىنشا ءتمد-نىڭ مادەني استاناسى دەپ تانىلىپتى!

ەكولوگيا. 36 361 ءتۇپ جاسىل جەلەك وتىرعىزىلعان. جالپى قالا بويىنشا 190 مىڭ شارشى مەتر جەر گۇلدەرمەن قامتىلىپتى، ونىڭ ىشىندە بيۋدجەت قارجى ەسەبىنەن جالپى كولەمى 75 مىڭ شارشى مەتردەن استام جالپى قالالىق اۋماقتاراعا گۇلدەر، روزاريلەر، گازوندار سالىنعان.

سونداي-اق ول جولكولىك اپاتىن بولدىرماۋ ءۇشىن جول بويلارىنا شارباقتار قويىلاتىنان ايتتى.

الماتى قالاسىنىڭ دەنساۋلىق ساقتاۋ ىسىنە  56، 4 ملرد تەنگە ءبولىنىپتى.

الماتىداعى مەكتەپتەردىڭ كۇردەلى جوندەۋدەن وتپەگەنى جوق. ءۇش اۋىسىمدا وقىتاتىن مەكتەپتى تاپپايسىز. بىلتىر ءۇش مەكتەپ سالىندى.

ول كىسى زالدا كىمدەردىڭ شاپالاق سوعىپ وتىرعانىن قول سوعىستارىنان بىلەدى ەكەن. مىنە، مەنىڭ سوزىمە وسى جولى مۇعالىمدەر مەن دارىگەرلەر قول سوقتى دەدى.

الماتىدا 2014 جىل ءبىلىم جىلى دەپ جاريالاندى!

پوليسيامىز زاماناۋي تەحنولوگيامەن جۇمىس جاساپ ۇيرەنۋى كەرەك دەدى اكىم.

ساعات 11:05-تە ەسىموۆتىڭ ەسەپ بەرۋ جيىنى اياقتالدى.سۇيىكتى قالامىزدى دامىتا بەرەيىك، ارداقتى اعايىن دەگەن ءسوزدى قاعازعا قاراپ ارەڭ وقىدى.

                                                                                     حالىق سۇراعى، اكىم جاۋابى

- جانقوجا باتىر كوشەسى جاڭبىر جاۋسا، سۋعا تولىپ كەتەدى. ءجۇرۋ مۇمكىن ەمەس.وسى كوشە جوندەلسە ەكەن. ءبىز سىزگە سەنەمىز.

– الاتاۋ اۋدانىنىڭ دا اكىمىنە دە سەنەتىن شىعارسىز؟

ءمانىزروۆ: شاڭىراققا كىرەتىن كوشەلەردى جوندەپ تاستادىق.

- باراحولكاداعى «جەڭىس» بازارىن جاۋىپ تاستاساق...

– 17 بازار ءسۇرىلىپ تاستالدى، ونىڭ 8ء-ىنىڭ ەلەكتر جاعدايى وتە ءقاۋىپتى.ءبىراق ەشكىم بازارسىز قالمايدى. بارلىعىڭىزعا جاڭا جۇمىس ورنى بەرىلەدى.

- بىزدە ورتالىق سۋ اعاتىن قۇبىر جوق (تۇركىسب اۋدانىنىڭ تۇرعىنى). سوندا دا  ورتالىق قۇبىردان سۋ تۇتىناتىن ادامدار سياقتى بىزگە دە سۋدىڭ اقشاسى كەلىپ تۇرادى. ءبىز جەكە سەكتورمىز. بۇل قالاي بولعانى؟

– بۇلاي بولۋى مۇمكىن ەمەس. ول ماسەلە قارالادى. ورتالىق كاناليزاسيادان ادامدار بارىپ ماسەلەنىڭ ءمان-جايىن انىقتايدى.

- شىمبۇلاققا شىعۋعا شىعۋ قيىنداپ كەتتى. وسىنى قالاي رەتتەۋگە بولادى؟ (قاعازعا قاراعان جىگىت)

-  شىمبۇلاققا شىعۋ قيىنداپ كەتتى. ماشينالارعا تۇراقتار جاسايمىز. حالىق ءقازىر شىمبۇلاققا كوپ باراتىن بولدى عوي...

- رىسقۇلوۆ-پەتروۆ كوشەسىنەن ءوتۋ قيىن. وسى ماسەلەنى شەشىپ بەرىڭىزشى. جولدى كەڭەيتەتىز بە، الدە نە ىستەيسىز؟

ەسىموۆ ءماسليحات حاتشىسىنا قاراپ نە دەيدى دەپ سۇراپ الدى دا:

- ءا، ول ءبىزدىڭ جوسپارىمىزدا بار، ول جەرگە ۇلكەن جول ايرىعى سالىنادى.

P.S.: تاڭەرتەڭ اكىمگە  قارسى بولعان ءۇش  بلوگەردى ۇستاپ الىپ كەتكەنىن  جازعان بولاتىنبىز. مۇمكىن، كەزدەسۋگە  تاعى  دا  "شاقىرتۋسىز" كەلە مە  دەگەن كۇدىك بولسا  كەرەك...