ورىستىڭ بەلگىلى وپپوزيسيونەر  ساياساتكەرى ەدۋارد ليمونوۆ كرەملگە "بۇيرەكتەن سيراق شىعاراتىن"  كەڭەس ايتتى.  ساياساتكەر-سىماقتىڭ ايتۋىنشا، قازاقستاننىڭ قازىرگى  پرەزيدەنتى كەتىسىمەن، سولتۇستىك قازاقستان  وبلىستارىن  قوسىپ  الۋدى تۋرالى  ويلانۋعا كەڭەس  بەرىپتى،  دەپ  حابارلايدى  Total.kz.

"قازاقستاندا مەملەكەتكە  قولايسىز ديەۆالۆاسيا،  پرەزيدەنت  نازاربايەۆ  قارتايىپ  بارادى، ناقتى  مۇراگەرى  جوق"،- دەپ  جازىپتى  Facebook پاراقشاسىندا.  ونىڭ ايتۋىنشا، ۋكراينانىڭ دا  تاعدىرى رەسەيمەن  بايلانىستى،  شىعىس ايماقتارى  دا ماسكەۋدىڭ  قول استىنا كىرۋ  كەرەك.

   بۇل ليمونوۆتىڭ  قازاقستانعا  ءبىرىنشى  رەت  شۇيلىگۋى  ەمەس. 90-جىلدارى  دا  "ايقايشىل"  جازۋششى كوكشەتاۋ وبلىسىنداعى  جەرگىلىكتى كازاكتاردىڭ قولداۋىمەن كوتەرىلىس  ۇيىمداستىرماقشى بولعان ەكەن. الايدا، "ريەۆوليۋسياشىل" توپتى  2001 جىلى قازاقستاننىڭ ارنايى اسكەري كومەگىمەن جويىلىپ، ليمونوۆتىڭ ءوزى تاۋلى التايدى  ۇستالعان ەكەن. وندا  ول پارتيزاندىق  بازا  ۇيىمداستىرعان كورىنەدى.  قارۋ ساقتاعانى  ءۇشىن  ولار ءار ءتۇردى  جازا  مەرزىمىن العان-دى.

فب قولدانۋشىسى ەرىك  تەڭىزبايەۆ قازاق  جۇرتشىلىعىنىڭ  مۇنداي  ساندىراققا  نارازى  ەكەنىن ايتا كەلىپ، سىرتقى ىستەر  مينيسترلىگى  ءۇنسىز  قالماي،  رەسەي  تاراپىنان  ماسەلەنىڭ ءمانىسىن رەسمي تۇردە ءتۇسىندىرۋىن  تالاپ  ەتسىن دەيدى.  قازاقستاننىڭ  دەربەس مەملەكەت ەكەنىن، ونىڭ تاۋەلسىزدىگىنە  قول سۇعۋعا ەشكىمنىڭ قۇقى  جوق ەكەنىن قۋاتتايدى.

سىرتقى ىستەر مينيسترلىگى ماماندارى رەسەيلىك ارىپتەستەرىنە ليمونوۆ "ۇسىنىسىنىڭ" پوزيسياسىنا قاتىستى ءتۇسىندىرۋدى تالاپ ەتكەن نوتا جولداۋدى ۇيعاردى. "رەسەي - ءبىزدىڭ دوسىمىز، قازاقستاننىڭ وداقتاسى ءارى ستراتەگيالىق سەرىكتەسى. ليمونوۆتىڭ اقىلعا سىيمايتىن مالىمدەمەسىنىڭ رەسەيدىڭ قازاقستانعا قاتىستى سىرتقى ساياسي باعىتىنا قاتىسى جوق. ءبىز رەسەيلىك سەرىكتەرىمىزدىڭ ليمونوۆتىڭ وعاش ارەكەتىنە ءتيىستى باعاسىن بەرەتىنىنە ەشقانداي كۇمان كەلتىرمەيمىز"، -دەيدى  مينيسترلىكتەگىلەر