بۇگىن سەناتتىڭ جالپى وتىرىسىندا ۇلتتىق بانك باسشىسىنىڭ اتىنا ساۋال جولداعان دەپۋتات سۆەتلانا جالماعامبەتوۆا باس بانكيرگە نازىن ايتىپ، وعان جۇرتشىلىق الدىنداعى ابىرويىن ساقتاپ قالۋدى ەسكەرتتى، دەپ حابارلايدى Tengrinews.kz ءتىلشىسى. كونستيتۋسياعا سايكەس، ۇلتتىق بانك باسشىسىن تاعايىنداۋعا پارلامەنت سەناتى كەلىسىم بەرەدى. وسى ماسەلەنى ەسكە سالعان سەناتور سۆەتلانا جالماعامبەتوۆا، بىلتىرعى جىلدىڭ 10-قازانىندا سەناتتا كانديداتۋرانى تالقىلاۋ بارىسىندا تەڭگە باعامىنىڭ تۇراقتىلىعىنا قاتىستى ساۋالدار قويىلعانىن دا ەسكە سالدى. سوسىن ۇلتتىق بانك باسشىسىنىڭ جاۋابىنا دا توقتالدى. "كاسىبيلىككە سالىپ جاۋاپ بەرسەڭىز دە بولاتىن ەدى، الايدا ءسىز سوزبە ءسوز مالىمدەدىڭىز. تەڭگەنىڭ قۇلدىراۋىنا قاتىستى قوبالجۋدىڭ نەگىزى جوق ەكەنىن ايتتىڭىز، ايىرباس باعامىنا اسەر ەتەتىن ىرگەلى فاكتورلاردىڭ - مۇناي باعاسى مەن رەسەي ءرۋبلى باعامىنىڭ وزگەرمەگەنىن ەسكەرتتىڭىز. بۇنى 21 قاڭتارداعى بريفينگتە تاعى قۋاتتادىڭىز. راسىندا دا، مۇناي باعاسى وزگەرگەن جوق، رەسەي ءرۋبلى بىلتىرعى جىل بويىنا 7،1 پايىزعا عانا قۇلدىرادى. الايدا، 11 اقپاندا اياق استىنان تەڭگەنىڭ ايىرباس باعامى 20 پايىزدىق ديەۆالۆاسياعا ۇشىرادى. ال جۋرناليستەر الدىندا ءسىز بىرەسە بۇنى سول كۇنى تاڭەرتەڭ بىلگەنىڭىزدى، بىرەسە بۇل شەشىم جارتى جىل بويى دايىندالعانىن ايتتىڭىز. سوندا بۇدان قانداي قورىتىندى شىعارۋعا بولادى: ءسىزدىڭ كاسىبيلىگىڭىزدە، نە ەتيكاڭىزدا پروبلەما بار. ءسىز قازاقستان حالقىن عانا ەمەس، بيلىكتىڭ رەسمي ورگانى – ق ر پارلامەنت سەناتىنىڭ دەپۋتاتتارىن دا "اداستىردىڭىز". سىزگە سەنگەن دەپۋتاتتار تاعايىنداۋعا دا كەلىسىم بەرگەن بولاتىن. ەندى بۇدان كەيىن ءوزىڭىز الداپ قانا قويماي، بۇعان قاتىستى ەتكەن پارلامكەنتكە قاي بەتىڭىزبەن كەلەسىز، دەپۋتاتتارمەن قالاي سويلەسەسىز؟ بۇدان كەيىن ءسىزدىڭ سوزىڭىزدە قانداي قۇن قالدى؟"، - دەدى سەناتور س. جالماعامبەتوۆا. سونىمەن قاتار، سەناتور تەڭگە ديەۆالۆاسياسى قارجىلىق شەشىم ەكەنىن ايتا كەلە، ونىڭ الەۋمەتتىك سالدارى زور ەكەنىنە توقتالدى. وسىنى ەسكەرىپ، مەملەكەت باسشىسىنىڭ اعىمداعى جىلدان باستاپ جاردەماقىلار مەن جالاقىلاردى، شاكىرتاقىنى كوتەرۋ تۋرالى جەدەل شارا قابىلداعانىن جەتكىزدى. "سىزگە دە ەلباسىدان ۇلگى الىپ، بانكتىك سالانى رەتتەۋىڭىز كەرەك. ديەۆالۆاسيانىڭ ناتيجەسىندە تەڭگەمەن جيناق سالعان قازاقستاندىق سالىمشىلاردىڭ قورى 20 پايىزعا قۇنسىزداندى. بۇل بۇگىنگى كۇنى تەڭگەلىك دەپوزيتتەردىڭ جاپپاي كەتۋىنە، بانكتەردەگى جاعدايدىڭ ناشارلاۋىنا سوقتىعىپ جاتىر. قانداي دا ءبىر بانكتەردىڭ جابىلاتىندىعى تۋرالى قاۋەسەتتەر دە سالىمشىلاردىڭ وسىعان قاتىستى جاساعان "يشاراتى". ال ءسىزدىڭ "ارانداتۋشىلارعا" قاراتا ايتقان ايباتىڭىز، تەلەەكراننان جاساعان مالىمدەمەڭىز ەشكىمدى دە سەندىرە المايدى. ناقتى ارەكەت كەرەك"، - دەگەن سۆەتلانا جالماعامبەتوۆا جەكە تۇلعالى سالىمشىلاردى بارىنشا قولداۋ قاجەتتىگىن ەسكەرتتى. "وسى ءۇشىن ۇلتتىق ۆاليۋتادا سالىم جاساعانداردىڭ سىياقىسىن 13-14 پايىزعا دەيىن ارتتىرۋ قاجەت. قولدانىستاعى قازىرگى پايىزداردى ينفلياسيا "جۇتىپ" قويادى. ال بۇنداي شەشىم ارقىلى ءسىز وزىڭىزگە سەنگەن، سوزىڭىزگە سەنگەن، سوسىن ءوزىڭىز "لاقتىرىپ" كەتكەن جۇرتشىلىق الدىندا ابىرويىڭىزدى ساقتاپ قالار ەدىڭىز. سونىمەن قاتار، بۇل ۇلتتىق ۆاليۋتاعا، جالپى بانكتەرگە دەگەن سەنىمدىلىكتى قالپىنا كەلتىرەر ەدى"، - دەپ تۇيىندەدى سەناتور ءوز ءسوزىن. بۇگىن سەناتتىڭ جالپى وتىرىسىندا ۇلتتىق بانك باسشىسىنىڭ اتىنا ساۋال جولداعان دەپۋتات سۆەتلانا جالماعامبەتوۆا باس بانكيرگە نازىن ايتىپ، وعان جۇرتشىلىق الدىنداعى ابىرويىن ساقتاپ قالۋدى ەسكەرتتى، دەپ حابارلايدى Tengrinews.kz ءتىلشىسى. كونستيتۋسياعا سايكەس، ۇلتتىق بانك باسشىسىن تاعايىنداۋعا پارلامەنت سەناتى كەلىسىم بەرەدى. وسى ماسەلەنى ەسكە سالعان سەناتور سۆەتلانا جالماعامبەتوۆا، بىلتىرعى جىلدىڭ 10-قازانىندا سەناتتا كانديداتۋرانى تالقىلاۋ بارىسىندا تەڭگە باعامىنىڭ تۇراقتىلىعىنا قاتىستى ساۋالدار قويىلعانىن دا ەسكە سالدى. سوسىن ۇلتتىق بانك باسشىسىنىڭ جاۋابىنا دا توقتالدى. "كاسىبيلىككە سالىپ جاۋاپ بەرسەڭىز دە بولاتىن ەدى، الايدا ءسىز سوزبە ءسوز مالىمدەدىڭىز. تەڭگەنىڭ قۇلدىراۋىنا قاتىستى قوبالجۋدىڭ نەگىزى جوق ەكەنىن ايتتىڭىز، ايىرباس باعامىنا اسەر ەتەتىن ىرگەلى فاكتورلاردىڭ - مۇناي باعاسى مەن رەسەي ءرۋبلى باعامىنىڭ وزگەرمەگەنىن ەسكەرتتىڭىز. بۇنى 21 قاڭتارداعى بريفينگتە تاعى قۋاتتادىڭىز. راسىندا دا، مۇناي باعاسى وزگەرگەن جوق، رەسەي ءرۋبلى بىلتىرعى جىل بويىنا 7،1 پايىزعا عانا قۇلدىرادى. الايدا، 11 اقپاندا اياق استىنان تەڭگەنىڭ ايىرباس باعامى 20 پايىزدىق ديەۆالۆاسياعا ۇشىرادى. ال جۋرناليستەر الدىندا ءسىز بىرەسە بۇنى سول كۇنى تاڭەرتەڭ بىلگەنىڭىزدى، بىرەسە بۇل شەشىم جارتى جىل بويى دايىندالعانىن ايتتىڭىز. سوندا بۇدان قانداي قورىتىندى شىعارۋعا بولادى: ءسىزدىڭ كاسىبيلىگىڭىزدە، نە ەتيكاڭىزدا پروبلەما بار. ءسىز قازاقستان حالقىن عانا ەمەس، بيلىكتىڭ رەسمي ورگانى – ق ر پارلامەنت سەناتىنىڭ دەپۋتاتتارىن دا "اداستىردىڭىز". سىزگە سەنگەن دەپۋتاتتار تاعايىنداۋعا دا كەلىسىم بەرگەن بولاتىن. ەندى بۇدان كەيىن ءوزىڭىز الداپ قانا قويماي، بۇعان قاتىستى ەتكەن پارلامكەنتكە قاي بەتىڭىزبەن كەلەسىز، دەپۋتاتتارمەن قالاي سويلەسەسىز؟ بۇدان كەيىن ءسىزدىڭ سوزىڭىزدە قانداي قۇن قالدى؟"، - دەدى سەناتور س. جالماعامبەتوۆا. سونىمەن قاتار، سەناتور تەڭگە ديەۆالۆاسياسى قارجىلىق شەشىم ەكەنىن ايتا كەلە، ونىڭ الەۋمەتتىك سالدارى زور ەكەنىنە توقتالدى. وسىنى ەسكەرىپ، مەملەكەت باسشىسىنىڭ اعىمداعى جىلدان باستاپ جاردەماقىلار مەن جالاقىلاردى، شاكىرتاقىنى كوتەرۋ تۋرالى جەدەل شارا قابىلداعانىن جەتكىزدى. "سىزگە دە ەلباسىدان ۇلگى الىپ، بانكتىك سالانى رەتتەۋىڭىز كەرەك. ديەۆالۆاسيانىڭ ناتيجەسىندە تەڭگەمەن جيناق سالعان قازاقستاندىق سالىمشىلاردىڭ قورى 20 پايىزعا قۇنسىزداندى. بۇل بۇگىنگى كۇنى تەڭگەلىك دەپوزيتتەردىڭ جاپپاي كەتۋىنە، بانكتەردەگى جاعدايدىڭ ناشارلاۋىنا سوقتىعىپ جاتىر. قانداي دا ءبىر بانكتەردىڭ جابىلاتىندىعى تۋرالى قاۋەسەتتەر دە سالىمشىلاردىڭ وسىعان قاتىستى جاساعان "يشاراتى". ال ءسىزدىڭ "ارانداتۋشىلارعا" قاراتا ايتقان ايباتىڭىز، تەلەەكراننان جاساعان مالىمدەمەڭىز ەشكىمدى دە سەندىرە المايدى. ناقتى ارەكەت كەرەك"، - دەگەن سۆەتلانا جالماعامبەتوۆا جەكە تۇلعالى سالىمشىلاردى بارىنشا قولداۋ قاجەتتىگىن ەسكەرتتى. "وسى ءۇشىن ۇلتتىق ۆاليۋتادا سالىم جاساعانداردىڭ سىياقىسىن 13-14 پايىزعا دەيىن ارتتىرۋ قاجەت. قولدانىستاعى قازىرگى پايىزداردى ينفلياسيا "جۇتىپ" قويادى. ال بۇنداي شەشىم ارقىلى ءسىز وزىڭىزگە سەنگەن، سوزىڭىزگە سەنگەن، سوسىن ءوزىڭىز "لاقتىرىپ" كەتكەن جۇرتشىلىق الدىندا ابىرويىڭىزدى ساقتاپ قالار ەدىڭىز. سونىمەن قاتار، بۇل ۇلتتىق ۆاليۋتاعا، جالپى بانكتەرگە دەگەن سەنىمدىلىكتى قالپىنا كەلتىرەر ەدى"، - دەپ تۇيىندەدى سەناتور ءوز ءسوزىن. Tengrinews.kz 

(تاقىرىبى وزگەرتىلىپ بەرىلدى)