كەشە فرانسيا استاناسى پاريجدە بىرنەشە لاڭكەستىك وقيعالار بولدى. وندا 140-تان استام ادام قازا بولعان، - دەپ حابارلايدى «قامشى» پورتالى.
بەلگىسىز بىرەۋلەر قالاداعى مەيرامحانالاردىڭ بىرىندە وق اتقان، «ستاد دە فرانس» ستاديونىنىڭ ءماىايىندا ءۇش بىردەي جارىلىس بولعان. جارىلىس كەزىندە ستاديوندا ءوتىپ جاتقان فرانسيا- گەرمانيا فۋتبولشىلارىنىڭ ويىنىن ەل پرەزيدەنتى فرانسۋا وللاند تاماشالاپ جاتقان ەكەن. سونداي-اق، روك-كونسەرت ءوتىپ جاتقان «باتاكلان» تەاترى عيماراتىندا لاڭكەستەر كورەرمەندەردى تۇتقىنعا العان. جۇزدەگەن تۇتقىنعا وق اتقان.
ءتۇرلى باق-تاردىڭ مالىمەتىنشە، جارىلىستار مەن اتىس سالدارىنان 140-تان استام ادام قازا بولىپ، 132 ادام جاراقات العان. الايدا، سNN تەلەارناسى قايتىس بولعاندار سانى كەمى 153 ادام، ونىڭ 112ء-ى كونسەرت زالىندا كوز جۇمعان دەگەن اقپارات تاراتتى. كونسەرت زالىندا ءوزىن-وزى جارىپ جىبەرگەن 2 لاڭكەس پەن شابۋىلداۋ كەزىندە پوليسيا وعىنان كوز جۇمعان ون شاقتى سودىردان باسقا لاڭكەستەر جاقتان قازا بولعاندار تۋرالى ناقتى مالىمەت جوق.
