قازاقستاندا ەڭبەكاقى تولەۋدىڭ جاڭا جۇيەسى ەنگىزىلمەك. بۇل تۋرالى «قامشى» پورتالى «31 ارناعا» سىلتەمە جاساپ حابارلايدى.
الماتىعا ىسساپارمەن ارنايى كەلگەن مينيستر تامارا دۇيسەنوۆا جاڭا ەڭبەك كودەكسى مەن "دەنساۋلىق" مەملەكەتتىك باعدارلاماسى جايلى تۇسىنىكتەمە بەردى. ەڭبەك كودەكسى مەن دەنساۋلىق ساقتاۋدى دامىتۋدىڭ جاڭا باعدارلاماسىن تامارا دۇيسەنوۆا تاپجىلماي ءبىر ساعات باياندادى. ەندى ازاماتتىق قىزمەتكەرلەر 4 ساناتقا ءبولىنىپ، جالاقىلارى سارالانىپ، سالا بويىنشا 28، 29، 40 پايىزعا دەيىن ارتتىرىلادى. ال 2016-2019 جىلدارعا ارنالعان "دەنساۋلىق" باعدارلاماسىندا اۋرۋحانالار مەن كلينيكالار قىزمەتىن جەكە قولدارعا بەرۋ تۋرالى پىكىرلەر ايتىلعان بولاتىن.
سونداي-اق، شەت ەلدەن قىرۋار قارجىعا تەحنولوگيا ساتىپ الۋدى دا ازايتامىز دەدى مينيستر. ال، 2017 جىلدان باستاپ مىندەتتى الەۋمەتتىك-مەديسينالىق ساقتاندىرۋ ىسكە قوسىلماق. 273 ميلليارد تەڭگە بولىنگەن باعدارلامادا العاشقى مەديسينالىق كومەك ۇلعايتىلىپ، جەدەل-جاردەم قىزمەتىن مەملەكەت تولىق قارجىلاندىرماق.
ءبىر قىزىعى وعان كەيبىر وقۋ ورنى باسشىلارى وسى جوسپارلاردى ورىنداعانشا مينيسترلىك كرەسلوسىنان تۇسپەڭىز دەگەن تىلەك ايتتى. مەديسينا ۋنيۆەرسيتەتىنىڭ رەكتورى قولعا العان ءىستى اياقتاۋ ءۇشىن مينيسترگە ەندى 5 جىلداي بۇل قىزمەتتەن كەتپەۋىن تىلەپ، جۇرتتى دۋ كۇلدىردى. ارتىنشا باسشىلاردىڭ اۋىسۋى، باعدارلامانىڭ جۇزەگە اسىرىلۋىن كەشەۋىلدەتەدى دەپ ءسوزىن جۋىپ-شايدى
– ونى ايتقانىم، وزدەرىڭىز قاراساڭىزدار مينيسترلەر وزگەرگەن سايىن رەفورمانىڭ ەڭ ءبىرىنشى قالپى قالمايدى. كەيبىر مينيستر پريريتەتتى باسقا كورەدى دەگەن سياقتى عوي، – دەيدى س.اسفەندياروۆ اتىنداعى قازۇمۋ رەكتورى ايقان اقانوۆ.
مينيسترلىك 2020 جىلعا قاراي ەل تۇرعىندارىنىڭ ءومىر ءسۇرۋ ۇزاقتىعىن 73 جاسقا جەتكىزۋدى كوزدەيدى. الايدا كوپتىڭ كوكەيىندەگى ساۋال 2016 جىلعا ءدارى باعاسىن تۇراقتاندىرۋ تۋرالى كەلىسىم ءالى جاسالماپتى.
