استانادا 2017 جىلى وتەتىن ەكسپو حالىقارالىق كورمەسىندە وتاندىق اۆتوبرەند ۇسىنىلادى. بۇل تۋرالى «قامشى» پورتالى قازاقپاراتقا سىلتەمە جاساپ حابارلايدى.
قازاقستاندا ۇلتتىق اۆتوبرەند پايدا بولادى. «Allur Group» ديرەكتورلار كەڭەسىنىڭ ءتوراعاسى اندرەي لاۆرەنتيەۆ جۋرناليستەرگە جاڭا جوبا تۋرالى ايتىپ بەردى.
باستىسى ۇلتتىق برەندتى جاساۋعا ءاربىر قازاقستاندىق قاتىسادى. 2016 جىلدىڭ ساۋىرىندە ۇيىمداستىرۋشىلار جاڭا برەندتىڭ اتاۋى مەن لوگوتيپىنە ۇلتتىق بايقاۋ جاريالاماق.
اندرەي لاۆرەنتيەۆتىڭ ايتۋىنشا، ءقازىر الەمدىك ءاۆتووندىرىس ەكولوگيالىق سيپاتتان بولەك، يننوۆاسيالىق باعىتتا دامىپ بارادى.
«Allur Group» كومپانيالار توبى ۇلتتىق كولىكتى شىعاراردا زاماناۋي ينجەنەرلىك شەشىمدەردى ەسكەرەتىن بولادى. بولاشاقتاعى كولىك - ەلەكتروكار بولۋى مۇمكىن. وسىدان 10 جىل بۇرىن Apple ماشينا شىعارادى دەگەن ءۇش ۇيىقتاساق تۇسىمىزگە كىرگەن جوق. ءتىپتى، Mercedes 2020 جىلى شاتل-تراكتارىن جىبەرەدى، Peugeot Citroءوn باسشىسى كاروس تاۆاروس جۇمىسىنا جۇرگىزۋشىسىز كولىكپەن بارىپ كەلەدى دەگەنگە سەندىك پە؟ بەلگىلى ساراپشى بيل فوردتىڭ ايتۋىنشا، 15 جىلدان سوڭ جۇرگىزۋشىسىز كولىك ادەتتەگى كورىنىسكە اينالادى. ءبىز دە وسىنداي ۇلكەن قادام جاساۋىمىز كەرەك. نەگە قولعا الماسقا؟ قاجەتتى رەسۋرستار ليتيي مەن گرافەن كوزى قازاقستاندا بار. مۇندا ءتىپتى كومپونەنتتىك بازانى قالىپتاسىرۋعا بولادى»، - دەدى ا.لاۆرەنتيەۆ.
ونىڭ ايتۋىنشا، ءقازىر اتالعان جوبانى جۇزەگە اسىرۋ ءۇشىن جۇمىس توبى جاساقتالىپ جاتىر. «Allur Group» ستراتەگيالىق سەرىكتەس رەتىندە جۇڭگو جانە ەۋروپالىق كومپانيانى تاڭداۋى مۇمكىن.
ساراپشىلاردىڭ زەرتتەۋىنە سۇيەنسەك، قازىرگى تاڭدا اۆتووندىرىستە ليتيي مەتالى گرافەنگە اۋىستىرىلىپ كەلەدى. ول 77 پايىزعا ارزان تۇسەدى. اۆتوپيلوت بويىنشا تەحنولوگيا بىلتىر 14 مىڭ اقش دوللارى بولسا، ءقازىر 8 مىڭ دوللار تۇرادى.
Google ماماندارى 2030 جىلعا قاراي ىشتەن جاناتىن قوزعالتقىشتار وندىرىستەن جويىلادى دەگەن بولجام ايتۋدا. شۆەسيا 5 جىلدان سوڭ كومىرسۋتەكتەن باس تارتۋعا بەل بۋىپ وتىر. وسى باعىتتا قازاقستان دا ەكولوگيالىق تۇرعىدان تازا، جاڭا ءونىم شىعارۋدى ويلاستىرۋ كەرەك.
«ءبىزدىڭ ماقسات «ەكسپو-2017» كورمەسىندە ءوزىمىزدىڭ كونسەپسيامىزدى كورسەتۋ. ونىڭ باعاسى، تەحنيكالىق سيپاتتامالارى دا بەلگىلى بولۋى كەرەك. 1،5 جىل از بولعانمەن، بارىنشا تىرىسىپ كورەمىز. جاڭا كولىكتەردىڭ قۇنى شامامەن Hyundai Accent، Kia Solaris قۇنىنىڭ شاماسىندا بولادى»، - دەدى ا.لاۆرەنتيەۆ.
سونداي-اق، «Allur Group» باسشىسى Ssang Yong Nomad كولىگىنىڭ ءوندىرىسى توقتاپ قالمايتىندىعىن جەتكىزدى.
سوڭعى 4 جىلدا قازاقستاندا وتاندىق اۆتووندىرۋشىلەر 110 مىڭ كولىك، جالپى قۇنى 480،2 ملرد تەڭگە بولاتىن كوممەرسيالىق بولشەكتەر شىعاردى.
2015 جىلى ءاۆتووندىرىس سالاسى ەل قازىناسىنا 55 ملرد تەڭگە كولەمىندە سالىق تولەگەن.
بيىلدىڭ وزىندە اتالعان ءارى ارالاس سالادا 1295 جۇمىس ورنى اشىلدى.
پىكىر قالدىرۋ