وسى اپتادا جانار-جاعار ماي اكسيزدەرىنىڭ مولشەرلەمەسى ارتقان ەدى. مۇنىڭ بەنزين باعاسىنا اسەرى تۋرالى ۇلتتىق ەكونوميكا ءمينيسترى ەربولات دوسايەۆ ايتىپ بەردى. بۇل تۋرالى «قامشى» پورتالى حابارلايدى.

ءمينيستردىڭ ويىنشا، جانار-جاعار ماي اكسيزدەرىمولشەرلەمەسىنىڭ ارتۋى مەن بولشەك ساۋداداعى باعانىڭ بايلانىسى بار. ول مەملەكەت اي-92،93 بەنزيندەرىنىڭ باعاسىن رەتتەۋگە ارالاسپايتىنىنا نازار اۋدارتتى.

«ءبىز نارىقتىق جاعدايدا ءومىر سۇرۋدەمىز. اي-92 بەنزينىنىڭ باعاسى رەتتەلەتىن جەرىنە دەيىن رەتتەلدى. ماسەلە بولشەك ساۋدا مەن كوتەرمە ساۋدا قاتىسۋشىلارىنىڭ قارىم-قاتىناسىندا. بولشەك ساۋداعا بۇل قالاي اسەر ەتەتىنىن تابيعي مونوپوليالاردى رەتتەۋ جانە باسەكەلەستىكتى قورعاۋ جونىندەگى كوميتەت باقىلايتىن بولادى» دەيدى ە. دوسايەۆ مىرزا.

ونىڭ ايتۋىنشا، اكسيز مولشەرلەمەلەرىنىڭ قىمباتتاۋى كوتەرمە ساۋداداعى باعانىڭ قىمباتتاۋىنان تۇسكەن پايدانى تاركىلەۋگە باعىتتالعان. «اكسيزدەردىڭ قىمباتتاۋى جەرگىلىكتى بيۋدجەتتەرگە قوسىمشا كىرىس بولىپ تابىلادى. ال، بەنزين باعاسىن ءبىز قاداعالايتىن بولامىز. جانار-جاعار ماي جەتكىزۋشى زاۋىتتارمەن كەلىسىلگەن باعا – قازىرگى ءبىز كورىپ وتىرعان باعا. قازىرگى تاڭدا ۆاليۋتا باعامىنىڭ وزگەرۋىنە بايلانىستى بەنزين باعاسى ءقازىر ءبىر قالىپتا» دەپ ەكى ۇشتىلاۋ پىكىر بىلدىرگەن ۇلتتىق ەكونوميكا ءمينيسترى.