ونىڭ ورىندالۋىنا قاتاڭ پارتيالىق باقىلاۋ ورناتىلادى

مەملەكەتتىك بيۋدجەتتەن قار­جىلاندىرىلعان باعدارلامالاردىڭ ورىندالۋىنا كەدەرگى كەلتىرىپ، قانداي دا ءبىر ولقىلىقتارعا جول بەرگەندەر جاۋاپكەرشىلىككە تارتىلاتىن بولادى.

وسى تۋرالى «نۇر وتان» پار­تيا­سى باسپا ءسوز ورتالىعىندا پارتيا ءتوراعاسى ءبىرىنشى ورىن­با­سارىنىڭ كەڭەسشىسى ق.جۇماشيەۆ پەن پارتيانىڭ ورتالىق اپپاراتى ۇيىمداستىرۋ باقىلاۋ جۇمىسى دەپارتامەنتىنىڭ ديرەكتورى ج.قالييەۆتىڭ قاتىسۋىمەن وتكەن باسپا ءسوز ءماسليحاتىندا ايتىلدى.

بريفينگ «نۇرلى جول» باع­دار­لاماسىنىڭ جۇزەگە اسىرىلۋ بارىسىن قاداعالاۋ جانە جەرگى­لىكتى فيليالداردى نىعايتۋ بو­يىنشا اتقارىلعان جۇمىس قورى­تىندىلارىنا ارنالعان بولاتىن.

پارتيا ورتالىق اپپاراتىنىڭ ۇيىمداستىرۋ باقىلاۋ جۇمىسى دەپارتامەنتىنىڭ ديرەكتورى جىگەر قالييەۆ قازىرگى تاڭدا «نۇر­لى جول» مەملەكەتتىك باعدار­لاماسىنىڭ جۇزەگە اسىرىلۋ بارىسىنا پارتيالىق باقىلاۋ ءجۇر­گىزۋدىڭ جاڭا مەحانيزمدەرىنىڭ قول­دانىلا باستاعانى جاي­لى حابارلادى. بۇل باعىتتاعى جۇ­مىستى رەتتەۋ ماقساتىندا ارنايى ەرەجەنىڭ ازىرلەنگەنىن، وسى قۇجاتقا سايكەس مەملەكەتتىك بيۋد­جەتتەن قارجىلاندىرىلعان باعدارلامانىڭ ورىندالۋىنا كەدەرگى كەلتىرىپ، ولقىلىقتارعا جول بەرگەندەر جازالاناتىنىن دا ايتتى. ال وسى باعىتتاعى جۇ­مىس­قا بارلىق دەڭگەيدەگى ءماسلي­حات­تارداعى پارتيا فراكسيا­لارىنىڭ مۇشەلەرى تارتىلاتىن بولادى.

ج.قالييەۆتىڭ ايتۋىنشا، ءوڭىر­لەردە قوعامدىق-ساياسي احۋالدى باقىلاۋ جۇمىستارىن كۇشەيتۋ ءۇشىن پارتيادا وسى سالاعا مونيتورينگ جۇرگىزۋدىڭ جاڭا ەرەجەسى ازىرلەنگەن.

سونداي-اق، پارتيا مۇشەلەرىنىڭ ساپالىق قۇرامىنىڭ تالداۋى كورسەتكەندەي، نۇروتاندىقتاردىڭ قاتارىندا ەكونوميكا سالاسى ماماندارى، شاعىن جانە ورتا بيزنەس وكىلدەرى، اۋىل شارۋاشىلىعىندا ەڭبەكتەنىپ جاتقانداردىڭ ۇلەسىن ارتتىرۋ قاجەت ەكەندىگى انىقتالدى. وسى ساناتتاعى ازاماتتاردى پارتياعا تارتا وتىرىپ، بولاشاقتا نۇروتاندىقتاردىڭ سانىن 100 مىڭعا كوبەيتۋ جوسپارلانعان. كاسىپكەرلەردى پارتيا قاتارىنا تارتىپ، ولارمەن ىنتىماقتاستىقتى نىعايتۋ جونىندەگى شارالار اتقارىلماق.

سوڭعى مالىمەتتەرگە سايكەس، قازىرگى تاڭدا رەسپۋبليكا بويىنشا «نۇر وتان» پارتياسىنىڭ قۇرامىنداعى 5665 باستاۋىش پارتيا ۇيىمدارىندا (بپۇ) تىركەلگەن 870 مىڭنان استام مۇشە بار.

پارتيانىڭ باستاۋىش ۇيىم­دارى قىزمەتىن نىعايتۋ ماقسا­تىندا بيىلعى جىل باستاۋىش پارتيا ۇيىمدارىنىڭ جىلى دەپ جاريالانىپ، وسى باعىتتا ناقتى ءىس-شارالار اتقارىلىپ كەلەدى. اتاپ ايتقاندا، جۇڭگو، مالايزيا، تۇركيا جانە سينگاپۋر سياقتى ءبىرقاتار شەت مەملەكەتتەردىڭ وسى باعىتتاعى وزىق تاجىريبەلەرى سارالانىپ، ءبىزدىڭ مەملەكەت جاعدايىندا قولدانۋعا بەيىم­دەلىپ، سونىڭ نەگىزىندە بپۇ-نىڭ تيپتىك ەرەجەسىنە، بپۇ جۇمىسىن ۇيىمداستىرۋ بويىنشا ءادىس­تەمەلىك ۇسىنىمدارعا ءتيىستى ءوز­گەرىستەر ەنگىزىلدى، سونداي-اق، پارتيا مۇشەلەرىن ەلەكتروندى دەرەكقورعا تىركەۋ جۇمىستارى اتقارىلدى. بپۇ ءتوراعالارىن وقىتۋ سەمينار-ترەنينگتەرى ءجۇر­گىزىلۋدە، پارتيانىڭ اۋماقتىق فيليالدارى «بپۇ كۇنى» اكسياسى اياسىندا اپتاسىنا 1 رەت بپۇ-عا بارىپ، ولارعا ادىستەمەلىك-تاجىريبەلىك كومەك كورسەتۋدە. ودان بۇرىن ايتىلعانداي، بپۇ-نىڭ ماتەريالدىق-تەحنيكالىق بازاسىن نىعايتۋ جونىندەگى شارالار قولدانىلعان. وسى جۇمىستار تۋرالى پارتيا ءتوراعاسى ءبىرىنشى ورىنباسارىنىڭ كەڭەسشىسى قانىبەك جۇماشيەۆ حابارلادى.

سونىمەن قاتار، ونىڭ ايتۋىنشا، بيىل ەڭ العاش رەت «نۇر وتان» پارتياسىنىڭ «ۇزدىك باستاۋىش پارتيا ۇيىمى» رەسپۋبليكالىق بايقاۋى جاريالانىپ، بايقاۋدىڭ 1ء-شى كەزەڭىنىڭ قورىتىندىسى بويىنشا 478 باستاۋىش ۇيىم 2ء-شى كەزەڭگە جولداما الدى. 2ء-شى كەزەڭ قورىتىندىسى بويىنشا 45 جەڭىمپاز بايقاۋدىڭ سوڭعى كەزەڭىنە ءوتىپ، ەندىگى جەردە رەسپۋبليكالىق بايقاۋ كوميسسياسىنىڭ شەشىمى كۇتىلۋدە. ق.جۇماشيەۆ وسى بايقاۋدىڭ قورىتىندىلارى كەيىن حابارلاناتىنىن جەتكىزدى.

دەرەككوز: ەگەمەن قازاقستان