كەشە استاناداعى مەملەكەتتىك قىزمەت سالاسىنداعى وڭىرلىك حاب، ەكونوميكالىق ىنتىماقتاستىق جانە دامۋ ۇيىمى (ەىدۇ)، سونداي-اق، ەلىمىزدىڭ ۇلتتىق ەكونوميكا مينيسترلىگى بىرلەسە وتىرىپ، «نازاربايەۆ ۋنيۆەرسيتەتتىڭ» جوعارى مەملەكەتتىك ساياسات مەكتەبى جانە بۇۇ دامۋ باعدارلاماسىنىڭ قولداۋىمەن «مەملەكەتتىك قىزمەتتىڭ دەربەستىگى» تاقىرىبىندا سەمينار وتكىزدى. ءىس-شاراعا ەلىمىزدىڭ مەملەكەتتىك ورگاندارىنىڭ جاۋاپتى حاتشىلارى مەن وبلىس اكىمدىكتەرىنىڭ اپپارات باسشىلارى قاتىستى.

سەمينار بەس ينستيتۋتتىق رەفورمانى ىسكە اسىرۋعا باعىتتالعان «100 ناقتى قادام» ۇلت جوسپارىندا كورسەتىلگەن زاماناۋي، كاسىبي جانە اۆتونومدى مەملەكەتتىك اپپاراتتى قالىپتاستىرۋدى ىسكە اسىرۋ، سونىمەن قاتار، مەملەكەت باسشىسىنىڭ ەلىمىزدىڭ بارلىق سالاسىندا ەىدۇ قاعيدالارى مەن ستاندارتتارىن ەنگىزۋ تۋرالى تاپسىرماسى اياسىندا وتكىزىلدى. ونىڭ ماقساتى – اۆتونومدى مەملەكەتتىك اپپاراتتى قالىپتاستىرۋ بويىنشا ەىدۇ ەلدەرىنىڭ، اتاپ ايتقاندا، ساياسي جانە اكىمشىلىك مەملەكەتتىك قىزمەتشىلەر اراسىندا ۋاكىلەتتىلىكتەردى اجىراتۋ تاجىريبەسىن زەردەلەۋ جانە اۆتونومدى اكىمشىلىك مەملەكەتتىك اپپاراتتى قالىپتاستىرۋ بويىنشا تاجىريبە الماسۋ ءۇشىن ەىدۇ-عا مۇشە ەلدەر مەن قازاقستاننىڭ وسى سالاداعى جۇمىسىن تالقىلاۋ.

سەميناردى اشقان استاناداعى مەم­لەكەتتىك قىزمەت سالاسىنداعى ءوڭىر­لىك حابتىڭ باسقارۋشى كومي­تەتىنىڭ ءتوراعاسى ءاليحان بايمەنوۆ مەملەكەتتىك قىزمەت دەڭگەيىن ارت­تىرۋ، ونى زامانعا ساي دامى­تىپ وتىرۋ كەرەكتىگىن ايتتى. «ءاري­نە، مەملەكەتتىك قىزمەتتىڭ دامۋى قو­عامداعى قالىپتاسقان ءداستۇر­لەر­گە دە، مادەنيەتكە دە بايلانىستى. دەگەنمەن، اباي اتامىزدىڭ «ءداستۇردىڭ وزىعى بار، توزىعى بار» دەگەنىندەي، ءبىز مەم­لە­كەت­تىك قىز­مەتتى جەتىلدىرگەندە، ەسكى ءداس­­ءتۇر­­لەردىڭ كەيبىرىنەن ارىلىپ، قو­عامدى العا جىلجىتاتىن جا­ڭا تە­تىكتەردى ەنگىزە بەرگەنىمىز ءجون. سە­بەبى، ءبىزدىڭ تۇپكى ماقسا­تىمىز – ەلدىڭ ءال-اۋقاتىن كو­تەرۋ. الايدا، ءبىز بۇل سالاداعى شەتەلدىك وزىق تاجىريبەلەردى اينىت­پاي كوشىر­مەۋىمىز كەرەك، تەك زەردەلەپ، وزىمىزگە قاجەتتى جاقتارىن العانىمىز ابزال»، – دەدى ول.

وسىدان كەيىن ءسوز العان بۇۇ دامۋ باعدارلاماسىنىڭ قازاق­ستانداعى تۇ­راق­تى وكىلىنىڭ ورىنباسارى مۋنحتۋيا التانگەرەل، ەىدۇ مەملەكەتتىك سەك­توردى رەفورمالاۋ باسقارماسىنىڭ باسشىسى ەدۆين لاۋ جانە «نازار­بايەۆ ۋنيۆەرسيتەتتىڭ» پرەزي­دەن­ءتى شيگوە كاتسۋ سەمينار تاقى­رى­بىنىڭ ماڭىز­دىلىعى مەن وزەك­تىلىگىن اتاپ ءوتتى.

سونىمەن قاتار، نيدەرلاند جوعارى مەملەكەتتىك قىزمەتىنىڭ بۇرىنعى باس ديرەكتورى يان ۆيللەم ۆەك ءوز ەلىندەگى جوعارى مەملەكەتتىك قىزمەتتىڭ جەتىستىكتەرى تۋرالى ءوز ويىن ورتاعا سالدى. ال ءچيليدىڭ جوعارى اكىمشىلىك مەملەكەتتىك قىزمەتىنىڭ تەحنيكالىق حاتشىسى، چيلي سەناتى زاڭ شىعارۋشى كەڭەسىنىڭ بۇرىنعى مۇشەسى ماريانا دجورجد-ناسيمەنتو ەلىندەگى باسقارۋشى مەملەكەتتىك كورپۋستى قالىپتاستىرۋ ءۇردىسى جانە مەملەكەتتىك قىزمەت جۇيە­سىندەگى ساياسي-اكىمشىلىك تەپە-تەڭدىكتى قام­تاماسىز ەتۋ تاجىريبەسى تۋرالى تۇساۋ­كەسەر وتكىزدى.

ەىدۇ مەملەكەتتىك سەكتوردى رەفورمالاۋ باسقارماسىنىڭ باسشىسى ەدۆين لاۋ، سونداي-اق، ەىدۇ جوبا مەنەدجەرى دانيەل گەرسون دەربەس مەملەكەتتىك اپپاراتتى قۇرۋداعى ەىدۇ ەلدەرىنىڭ تاجىريبەلەرىمەن ءبولىستى.

دەرەككوز: ەگەمەن قازاقستان