قانىبەك جۇماش «نۇر وتان» پارتياسىنىڭ جاڭا حاتشىسى بولىپ تاعايىندالدى. بۇل تۋرالى «قامشى» پورتالى پارتيانىڭ باسپا ءسوز قىزمەتىنە سىلتەمە جاساپ حابارلايدى.

«نۇر وتان» پارتياسىنىڭ حاتشىسى قىزمەتىندە قانىبەك جۇماش مەملەكەتتىك ورگاندارمەن ءوزارا ءىس-قيمىل جۇمىستارىن، ق ر پارلامەنتى ماجىلىسىندەگى فراكسيا جانە بارلىق دەڭگەيدەگى ءماسليحات فراكسيالارىمەن مەملەكەتتىك باعدارلامالاردىڭ، ونىڭ ىشىندە «نۇرلى جول» باعدارلاماسىنىڭ ورىندالۋىن، سالالىق جانە ايماقتىق باعدارلامالاردىڭ ورىندالۋىن، بيۋدجەتتىك قاراجاتتىڭ ءتيىمدى پايدالانۋىن، ۇيىمداستىرۋ-باقىلاۋ جۇمىستارىن قاداعالايتىن بولادى»، - دەلىنگەن «نۇر وتان» پارتياسىنىڭ سايتىندا ورنالاستىرىلعان حابارلامادا.

قانىبەك جۇماش ءال-فارابي اتىنداعى قازاق مەملەكەتتىك ۋنيۆەرسيتەتىن (حيميك-وقىتۋشى)، ش. ەسەنوۆ اتىنداعى اقتاۋ مەملەكەتتىك ۋنيۆەرسيتەتىن (ەكونوميكا جانە قۇقىق) بىتىرگەن.

ماڭعىستاۋ وبلىسى اكىمىنىڭ ورىنباسارى قىزمەتىندە، «نۇر وتان» پارتياسىنىڭ ماڭعىستاۋ وبلىستىق فيليالى ءتوراعاسىنىڭ ءبىرىنشى ورىنباسارى، «نۇر وتان» پارتياسى ورتالىق اپپاراتى باسشىسىنىڭ ورىنباسارى بولىپ ءبىرقاتار جىلدار بويى جۇمىس ىستەگەن.

2015 جىلدىڭ تامىز ايىنان باستاپ «نۇر وتان» پارتياسى ءتوراعاسىنىڭ ءبىرىنشى ورىنباسارىنىڭ كەڭەسشىسى بولعان.

2013 جىلى «قۇرمەت» وردەنىمەن ماراپاتتالعان.