مەملەكەتتىك سىيلىقتىڭ لاۋرەاتى، بەلگىلى قالامگەر تولەن ابدىك «تۇركى الەمىنىڭ ۇزدىك جازۋشىسى» اتاندى. تۇركيانىڭ ەسكيشەحير قالاسىندا ءوتىپ جاتقان «ادەبي جۋرنالدار رەداكتورلارىنىڭ VI قۇرىلتايىندا» قازاق جازۋشىسى تولەن ابدىككە مارتەبەلى اتاق سالتاناتتى تۇردە تابىس ەتىلدى. قازىرگى تاڭدا قالامگەردىڭ شىعارمالارى ءتۇبى ءبىر تۋىس 13-تەن استام ەلدىڭ تىلدەرىنە اۋدارىلىپ، كەڭىنەن تارالىپ جاتىر. سونداي-اق قۇرىلتايعا قاتىسۋشى تۇركى مەملەكەتىنىڭ جازۋشىلارى ورتاق ادەبي قۇندىلىقتاردى ناسيحاتتاۋدىڭ ماڭىزدى جولدارىن قاراستىردى. جيىن سوڭىندا تۇرىك كەڭەسىنە مۇشە ەلدەردىڭ «جازۋشىلار وداعىن» قۇرۋ تۋرالى شەشىم قابىلداندى. تولەن ابدىك، جازۋشى، مەملەكەتتىك سىيلىقتىڭ يەگەرى: - مەنىڭ شىعارماشىلىعىمدى قولداپ، 2013 جىلى تۇرىك دۇنيەسى ادەبيەتىنىڭ «جىل ادامى» دەپ حابارلاپ، مەنىڭ شىعارمالارىمدى بارلىق تۇرىك تىلدەرىنە اۋدارىپ، حالىققا تانىستىرىپ جاتقان قالامداس ارىپتەستەرىمە مىڭ دا ءبىر راحمەت ايتقىم كەلەدى. ياكۋپ ومەروگلى، ەۋرازيا جازۋشىلار وداعىنىڭ ءتوراعاسى: - بۇل جەرگە تۇرىك كەڭەسىنە مۇشە مەملەكەتتەر تۇركى الەمى جازۋشىلار وداعىن قۇرايدى. بۇل ۇيىم تۇرىك حالىقتارىنىڭ ادەبيەتى مەن مادەنيەتىن جاقىنداستىرۋعا ۇلكەن قىزمەت كورسەتەدى دەپ ويلايمىز www.24.kz