كەشە بىزگە كوپەرنيك ۋنيۆەرسيتەتىندە ساياساتتانۋ فاكۋلتەتىندە دوكتورونتۋرادا ءبىلىم الىپ جاتقان مارياننا اتتى ۋكراين قىزى "كۋدا ناپراۆلياەتسيا ۋكراينا؟" دەگەن تاقىرىپپەن ءدارىس وقىدى. الدىمەن "قازاقستان باق-تارى ۋكرايناداعى جاعدايدى قالاي جازىپ جاتىر؟" دەگەن سۇراقتى قويىپ، ءبىزدىڭ پىكىرىمىزدى تىڭداعان ول، بارلىق دۇنيەنىڭ العاشىندا بەيبىت تۇردە باستالعانىن، سوڭى وسىنداي جاعدايعا ۇلاسقانىن ايتتى. ەلىندەگى جاعدايدى ايتقاندا ەتجۇرەگى ەلجىرەپ، مايداننىڭ قاق ورتاسىنان دوسى ءتۇسىرىپ جىبەرگەن سۋرەتتەردى كورسەتكەندە ءتىپتى جىلاپ جىبەرۋگە از قالدى. نەگىزى و باستا حالىق ساياسي ىستەرگە ارالاسۋعا قۇلىقسىز بولعان ەكەن. سايلاۋلاردا داۋىستى كارى-قۇرتاڭدار بەرىپ، جاستار كوپ جاعدايدا تىس قالىپ وتىرعان. ءبىراق ەلدەگى الەۋمەتتىك جاعداي، پرەزيدەنتتەرىنىڭ رەسەيگە جاعىنۋعا تىرىسقان جانكەشتىلىگى قاراپايىم حالىقتىڭ اشۋ-ىزاسىن ءبىر-اق كۇندە بۇرق ەتكىزگەن. سوڭى مايدانداعى قاندى قىرعىنعا ۇلاسقان. ءبىز مارياننادان: "حالىق بوسقا قىرىلىپ قالعان جوق پا؟ بۇل ارەكەتتەرىنەن ناتيجە شىعادى دەپ ويلايسىز با؟" دەپ سۇراپ ەدىك، ۋكراين قىزى ەلىنىڭ جەڭىسكە جەتەتىنىنە سەنىمدى. بۇركىتتىڭ حالىق جاعىنا شىعىپ جاتقانىن، كەي بيلىكتەگى ادامداردىڭ شەتەلگە كەتىپ جاتقانىن، قازىرگى بيلىك عۇمىرىنىڭ بىتۋىنە از قالعانىن ەرەكشە سەنىممەن ايتقان ەدى. راس، مەن دە تىنىشتىقتى جاقسى كورەمىن. ءبىراق ۋكراين حالقىنىڭ ازاتتىقتارى جولىنداعى كۇرەسىن جوعارى باعالايمىن. بار جان-تانىممەن ولاردىڭ تولىق جەڭىسكە جەتۋىن تىلەيمىن. ال ءبىزدىڭ ەلدە ونداي قاندى قىرعىن ەشقاشان بولماسىن!
(اۆتوردىڭ فەيسبۋكتەگى پاراقاشسىنان الىندى)
