تۇرىك اسكەري اۋە كۇشتەرىنىڭ سەيسەنبى كۇنى رەسەيلىك بومبالاۋشى ۇشاقتى جويۋى رەسەي مەن تۇركيا اراسىنداعى ەكى جاقتى ساۋدانى كەڭەيتۋ جوسپارىن جويىپ قانا قويماي، سونىمەن قاتار ەكونوميكالىق بايلانىستىڭ ۇزىلۋىنە سەبەپ بولۋى مۇمكىن. بۇل تۋرالى «قامشى» پورتالى قازاقپاراتقا سىلتەمە جاساپ حابارلايدى. 

تۋريستىك سالاعا ءقاۋىپ ءتونىپ تۇرعانى انىق - ءسىم مەن رەسەيتۋريزم رەسەيلىكتەرگە تۇركياعا بارۋدان باس تارتۋدى ۇسىندى، دەپ جازدى ربك.

سوماسى جىلىنا $30 ملرد-تى قۇرايتىن ءوزارا ساۋدا مەن $2 ملرد-تان استام ءوزارا جيناقتالعان ينۆەستيسيالار تاعدىرى تارازىدا تۇر. تۇركيا - كولەمى بويىنشا رەسەيدىڭ بەسىنشى ورىندا تۇرعان ساۋدا سەرىكتەسى. رف-نىڭ سىرتقى الەممەن ساۋداسىنىڭ 4،6% وسى ەلگە تيەسىلى. سوندىقتان بۇل كورسەتكىش بويىنشا تۇركيا جۇڭگو، گەرمانيا، نيدەرلاندى جانە يتالياعا باسىمدىق بەرىپ، بەسىنشى بولىپ تۇر. دەگەنمەن بۇل كورسەتكىشپەن بەلارۋس، قازاقستان جانە ۋكراينادان (ءاربىرىن جەكە العاندا) اسىپ وتىر.

رەسەي مەن تۇركيا اراسىنداعى تاۋاراينالىم 2014 جىلى $31 ملرد، 2015 جىلدىڭ 9 ايىندا $18،1 ملرد. قۇرادى. قىزمەتتەر ساۋداسىن ەسەپتەگەندە رەسەيلىك-تۇرىك كورسەتكىشتەرى جوعارى: مىسالى، 2014 جىلى قىزمەت پەن تاۋار اينالىمى شامامەن $44 ملرد قۇرادى.

قىركۇيەكتە رەسەي سيريالىق سودىرلارعا بومبا تاستاي باستادى. بۇل تۇركيانىڭ نارازىلىعىن تۋدىردى. 

"قامشى"سىلتەيدى