ازەربايجان پرەزيدەنتى يلحام الييەۆ سارسەنبى كۇنى ازەربايجان رەسپۋبليكاسىنىڭ ءبىرقاتار ەلدەردەگى 5 ەلشىسى مەن ەكى كونسۋلىن كەرى شاقىرتۋ تۋرالى وكىمگە قول قويدى، - دەپ حابارلايدى «قامشى» پورتالى ازەربايجان پرەزيدەنتىنىڭ رەسمي سايتىنا سىلتەمە جاساپ. 

ي.الييەۆ ازەربايجاننىڭ ەلشىلەرىن: باا-دەگى ەلشىسى - ەلحان گاحرامانوۆتى، ەستونياداعى ەلشىسى - توفيك زۋلفۋگاروۆتى، قازاقستانداعى ەلشىسى - زاكير گاشيموۆتى، تۇرىكمەنستان جانە اۋعانستانداعى ەلشىسى - ۆاحدات سۋلتان-زادەنى، ارگەنتينا، پاراگۆاي، بوليۆيا جانە ۋرۋگۆايداعى ەلشىسى - مامەد احمەدزادەنى كەرى شاقىرتتى.

سونىمەن قاتار، ازەربايجان پرەزيدەنتى اقتاۋ قالاسىنداعى باس كونسۋل راشاد مامەدوۆ پەن ىستامبۇلداعى باس كونسۋل، قاراتەڭىزدىك ەكونوميكالىق ىنتىماقتاستىق ۇيىمىنىڭ تۇراقتى وكىلى گاسان زەينالوۆتى كەرى شاقىرتتى. 

تاعى ءبىر وكىممەن ازەربايجاننىڭ بۇۇ جەنيەۆا بولىمشەسى جانىنداعى جانە باسقا دا حالىقارالىق ۇيىمداردىڭ تۇراقتى وكىلى مۋراد نادجافبەيلي كەرى شاقىرتىلدى.