30 قاراشا كۇنگى ەلباسىنىڭ حالىققا جولداۋى تىكەلەي ەفيردەن كورسەتىلەتىن بولدى. بۇل تۋرالى «قامشى» پورتالى پرەزيدەنتتىڭ باسپا ءسوز قىزمەتىنە سىلتەمە جاساي وتىرىپ حابارلايدى.
«ءبىز ەلباسى 30 قاراشادا حالىققا جولداۋىن جاسايدى دەگەن اقپاراتتى راستايمىز. سونىمەن قاتار، بىرنەشە رەسپۋبليكالىق تەلەارنادان جولداۋدىڭ تىكەلەي ەفيرىن ۇيىمداستىرۋدى جوسپارلاپ وتىرمىز» دەيدى پرەزيدەنتتىڭ كەڭەسشىسى – باسپا ءسوز حاتشىسى داۋرەن ابايەۆ.
پرەزيدەنت جىل سوڭىنا دەيىن حالىققا جولداۋ جاسايتىنىن ۇكىمەتتىڭ كەڭەيتىلگەن وتىرىسىندا مالىمدەگەن ەدى.
«مىنا قيىن-قىستاۋ كەزەڭدە بىزگە نە ىستەۋ كەرەك ەكەنىن وسى جىلعى جولداۋىمدا جاريالايتىن بولامىن. وسى كەزەڭدە ۇكىمەت پەن اكىمدەر ەكونوميكالىق ءوسىمدى، حالىقتى جۇمىسپەن قامتۋ مەن تابىسىن قولداۋ ءۇشىن بارلىق رەزەرۆتى قاراستىرۋى كەرەك» دەگەن ەدى پرەزيدەنت ن. نازاربايەۆ.
