قازاقستاندا جول قوزعالىسى ەرەجەcءىن بۇزعاندارعا سالىناتىن ايىپپۇلدىڭ كولەمىن ازايتۋ ۇسىنىلدى، - دەپ حابارلايدى «قامشى» پورتالى  Tengrinews.kz – كە سىلتەمە جاساپ.

مۇنداي پىكىر بۇگىن استانادا باس پروكۋراتۋرا ۇجىمىنىڭ وتىرىسى كەزىندە ايتىلدى.

"ايىپپۇلدى ءوسىرۋ جول قوزعالىسى ەرەجەسىن بۇزۋشىلىقتىڭ ازايۋىنا اكەلمەيدى. اكىمشىلىك جازانى قايتا قاراۋعا ءۇش سەبەپ بار. بىرىنشىدەن، ەلدىڭ كىرىسى ازايدى - بۇل ەكونوميكالىق جاعدايعا بايلانىستى. ەكىنشىدەن، 2001 جىلدان بەرى كەيبىر ايىپپۇلداردىڭ كولەمى 25 ەسەگە - 15 مىڭنان 396 مىڭعا دەيىن ءوستى، سونىمەن قاتار، اي سايىنعى ورتاشا جالاقى جەتى ەسە ءوستى - 17 مىڭنان 124 مىڭعا دەيىن"، - دەدى باس پروكۋراتۋرا وكىلى اسەت شىندالييەۆ.

ول باس پروكۋراتۋرا باسقا ەلدەردىڭ تاجىريبەسىن زەرتتەگەنىن ايتتى. باتىس ەلدەرى مەن رەسەيدە جول قوزعالىسى ەرەجەسىن بۇزعاندارعا سالىناتىن ايىپپۇل كولەمى از بولىپ شىقتى. شىندالييەۆ ناقتى دەرەكتەر كەلتىردى.

"جىلدامدىقتى اسىرعانعا سالىناتىن ايىپپۇلدىڭ ەڭ جوعارىسى ليۋكسەمبۋرگتە 45 مىڭ تەڭگە، رەسەيدە 22 مىڭ بولسا، قازاقستاندا 80 مىڭ تەڭگە. بۇل ەسەپشىنىڭ جالاقىسىنا نەمەسە كۇزەتشىلەر مەن جۇرگىزۋشىلەردىڭ ەكى ايلىق جالاقىسىنا تەڭ"، - دەدى اسەت شىندالييەۆ.

سونىمەن قاتار، اسەت شىندالييەۆ جول ەرەجەسىن بۇزعانداردىڭ ايىپپۇلدى دەرەۋ تولەمەيتىنىن ايتتى. "ەڭ جوعارى ايىپپۇل - 396 مىڭ تەڭگەنى 100 ادامنىڭ 17ء-سى عانا تولەيدى. بۇل وتە ورەسكەل ەرەجە بۇزۋشىلارعا - ماس جۇرگىزۋشىلەر مەن جۇرگىزۋشى كۋالىگى جوقتارعا سالىناتىن ايىپپۇل. ولاردى قاماۋعا الۋعا دا بولمايدى. ايىپپۇل كولەمى ۇلكەن بولعان سايىن ونى تولەۋ ىقتيمالدىعى ازايادى"، - دەدى شىندالييەۆ.

كەڭەيتىلگەن وتىرىستا باس پروكۋراتۋرانىڭ ءبىرىنشى دەپارتامەنتىنىڭ باسشىسى قانات سەيدعاپباروۆ جول قوزعالىسى ەرەجەسىن بۇزاندارعا سالىناتىن ايپپۇل كولەمىن قايتا قاراۋ تۋرالى ۇسىنىس قارالاتىنىن ايتتى.

"شەشىم جوباسىن دايىندادىق. ول تانىستىرىلادى. راستالعان جاعدايدا ۋاكىلەتتى ورگاندارعا جىبەرىلەدى. كەيىن ءبىز بۇل ۇسىنىسقا زاڭ شەڭبەرىندە باستاماشىلىق ەتەمىز. بۇل جاقىن ۋاقىتتا بولادى"، - دەدى ول.