تۇركيا پرەزيدەنتى رەجەپ ەردوعان رف پرەزيدەنتى 30 قاراشادا پاريجدە كەزدەسۋگە شاقىرعانىن مالىمدەدى، - دەپ حابارلايدى «قامشى» پورتالى «ريا نوۆوستي» اگەنتتىگىنە سىلتەمە جاساپ.

ەردوعاننىڭ ايتۋىنشا، رەسەي تاراپىنان بۇل ۇسىنىسقا ءالى رەسمي جاۋاپ الماعان.

30 قاراشا كۇنى پاريجدە 138 مەملەكەتتىڭ باسشىلارىنىڭ قاتىسۋىمەن كليمات ماسەلەسىنە ارنالعان حالىقارالىق كونفەرەنسيا وتەدى. بۇعان دەيىن رف پرەزيدەنتىنىڭ كومەكشىسى يۋريي ۋشاكوۆ ۆ. ءپۋتيننىڭ اتالعان كونفەرەنسيانىڭ اشىلۋىندا بايانداما جاسايتىنىن حابارلاعان بولاتىن.

«مەن رەسەي باسشىسى ۆ. پۋتينمەن 30 قاراشادا پۋتينمەن كەزدەسۋگە سۇراندىم. ءبىراق، ءالى جاۋاپ العان جوقپىن» دەگەن ر. ەردوعان France 24 تەلەارناسىنا بەرگەن سۇحباتىندا.

سەيسەنبى كۇنى تۇركيا اسكەري اۋە كۇشتەرى رەسەيدىڭ بومبالاۋشى ۇشاعىن اتىپ قۇلاتقاننان كەيىن، ەكى ەل اراسىندا شيەلەنىس كۇشەيگەن بولاتىن.