قازاقستان اۋماعىندا قىزمەت ەتەتىن شەتەلدىك ۇيىمدار ءوز تۋلارىمەن قاتار قازاقتىڭ كوك بايراعىن دا ىلۋگە مىندەتتى. بۇل تۋرالى «قامشى» پورتالى حابارلايدى.
بۇل تۋرالى بۇگىن ورتالىق كوممۋنيكاسيالار قىزمەتىندەگى بريفينگتە مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىستار كوميتەتى ءتوراعاسىنىڭ ورىنباسارى ۆاسيليي پورۋبايمەح مالىمدەدى.
«زاڭعا ەنگىزىلگەن وزگەرتۋلەر مەن تولىقتىرۋلار جايىنا توقتالار بولسام، 4-باپقا تۇزەتۋ ەنگىزىلدى. قۇجاتتا مەملەكەتتىك رامىزدەردى قولدانۋ تاجىريبەسىن كەڭەيتۋ ماقساتىندا مەملەكەتتىك زاڭدى تۇلعالاردىڭ، سونىمەن قاتار ۇلتتىق كومپانيالاردىڭ، حولدينگتەردىڭ، قازاقستان رەسپۋبليكاسى جالعىز اكسيونەر بولىپ تابىلاتىن جاۋاپكەرشىلىگى شەكتەۋلى سەرىكتەستەردىڭ مەملەكەتتىك سيمۆوليكالارعا ارنالعان ەكسپوزيسيالارى ءۇشىن ارنايى ءۇي-جايلار ءبولۋ قاراستىرىلعان»، – دەيدى ۆاسيليي پورۋبايمەح.
كوميتەت ءتوراعاسى ورىنباسارىنىڭ سوزىنە قاراعاندا، ەكسپوزيسيادا مەملەكەتتىك رامىزدەردى دايىنداۋ تاريحى، ولاردىڭ اۆتورلارى جايىنداعى اقپاراتتار بولادى.
«زاڭنىڭ تاعى ءبىر جاڭا نورماسىنا سايكەس، قازاقستان رەسپۋبليكاسىنىڭ اۋماعىندا قىزمەتىن جۇزەگە اسىراتىن شەتەلدىك ۇيىمدار ءوز تۋلارىن قازاقستاننىڭ مەملەكەكەتتىك تۋىمەن ءبىر مەزگىلدە ورنالاستىرۋعا مىندەتتى»، – دەدى پورۋبايمەح.
