قازاقستاننىڭ تۇڭعىش پرەزيدەنتى كۇنىنە وراي سىرتقى ىستەر مينيسترلىگى Twitter جەلىسىنە 1991 جىلى نۇرسۇلتان نازاربايەۆ قول قويعان قۇجاتتاردى جاريالادى. ءسىم بۇل حاتتاردى پرەزيدەنتتىڭ جانە قازاقستاننىڭ حالىقارالىق ارەناعا شىعۋداعى العاشقى قادامدارى دەپ ۇسىندى، - دەپ حابارلايدى «قامشى» پورتالى Tengrinews.kz – كە سىلتەمە جاساپ.
بۇل جەردەگى اڭگىمە ەكى قۇجات جايىندا - قازاقستان رەسپۋبليكاسىن بۇۇ مۇشەلىگىنە قابىلداۋ جونىندە ءوتىنىش، ونى مەملەكەت باسشىسى 1991 جىلى 31 جەلتوقساندا بۇۇ باس حاتشىسى كۋەليارعا جولداعان جانە قازاقستان رەسپۋبليكاسىنىڭ بۇۇ جارعىسىندا كورسەتىلگەن مىندەتتەمەلەردى قابىلداۋى جونىندە دەكلاراسيا.
ءسىم مالىمەتىنشە، بۇل قۇجاتتار قازاقستاننىڭ حالىقارالىق قاۋىمداستىقتىڭ تولىق قۇقىلى مۇشەسى رەتىندە الەمدىك ساياسي ارەناداعى قاتىسىنا نەگىز بولدى.
