ق ر تۇڭعىش پرەزيدەنتى كۇنى قارساڭىندا «جولاۋشىلار تاسىمالى» كومپانياسىنا قاراستى كاسىپورىنداردىڭ قىزمەتكەرلەرى اراسىندا كاسىبي بايقاۋ ءوتتى، - دەپ حابارلايدى كومپانيانىڭ باسپا ءسوز قىزمەتى.

بايقاۋ ءتورت اتالىم بويىنشا وتكىزىلىپ، وعان 50 ادام قاتىستى. بۇل رەتتە قاتىسۋشىلاردىڭ كاسىبي بىلىكتىلىگىمەن قاتار، جولاۋشىلارمەن جىلى قارىم-قاتىناس جاساۋ، وقىس جاعداي ورىن العان كەزدە ساۋاتتى ارەكەت ەتۋ سياقتى ماڭىزدى ماسەلەلەرگە باسا نازار اۋدارىلدى.

بايقاۋ قورىتىندىسى بويىنشا جولاۋشىلار تاسىمالىنىڭ ۇزدىك جولسەرىگى دەپ دارحان قالاۋوۆ تانىلدى. قالاماڭى تاسىمالىنىڭ ۇزدىك جولسەرىگى جۇلدەسىن بەرىك دوسمۇحامبەتوۆ جەڭىپ السا، ال ۇزدىك ماشينيست رەتىندە ايدىن احمەدينىڭ ەسىمى اتالدى. جەڭىمپازدارعا تۋريستىك جولدامالار، سونداي-اق نوۋتبۋكتەر مەن پلانشەتتەر، باسقا دا باعالى سىيلىقتار تابىس ەتىلدى.

بۇدان بولەك، ۇزدىك پويىز بريگاداسى («ەكسپرەسس» ايماقتىق فيليالى) انىقتالىپ، ولار «جولاۋشىلار تاسىمالى» اق پرەزيدەنتىنىڭ كۋبوگىنا يە بولدى.