iPhone 7 سمارتفونىنىڭ قۇلاققاپ قوساتىن ادەتتەگى جالعاعىشى بولمايدى، - دەپ حابارلايدى «قامشى» پورتالى tengrinews.kz-كە سىلتەمە جاساپ.

تارالىپ جاتقان قاۋەسەتتەرگە سەنەتىن بولساق، Apple كومپانياسىنىڭ جاڭا ءونىمىنىڭ 3،5 ميلليمەتر بولاتىن قۇلاققاپ جالعاعىشى بولمايدى ەكەن. وسىلايشا وسىعان دەيىن شىققان قۇرىلعىلاردىڭ قۇلاققاپتارى جاڭا گادجەتكە جارامسىز بولىپ قالاتىن كورىنەدى. 

بولجام بويىنشا، ونىڭ ورنىنا Apple Lightning دەپ اتالاتىن جالعاعىشتى پايدالانباقشى. قازىرگى ۋاقىتتا قۇلاققاپتاردىڭ وسىنداي قىزمەتتى ۇسىنۋعا مۇمكىندىك بەرەتىن Philips Fidelio M2L سەكىلدى مودەلدەرى بار. ءبىراق ولاردىڭ قىمبات ەكەنى ايتىلادى. 

Apple كومپانياسىنىڭ iPhone 7 سمارتفونىن قالىپتى كوننەكتوردان باس تارتاتىنى جايلى جاپوننىڭ Mac Otakara دەگەن بلوگى ءوز دەرەككوزدەرىنە سىلتەمە جاساي وتىرىپ حابارلادى. بۇل ارقىلى جاڭا سمارتفون 1 ميلليمەترگە دەيىن جۇقا بولادى ەكەن، سونىمەن قاتار، كورپۋسىنىڭ ىشىندەگى كەڭىستىك بوسايدى.

ەسكە سالايىق، وسىعان دەيىن 2016 جىلى شىعاتىن iPhone 7 Apple كومپانياسىنىڭ 6 ميلليمەترلىك ەڭ جۇقا سمارتفونى بولاتىنى حابارلانعان ەدى.