استانادا Tengrinews.kz ءفوتوتىلشىسى قازاقستان پرەزيدەنتى نۇرسۇلتان نازاربايەۆتىڭ ەڭ ۇزدىك كادرلارىننان جاساقتالعان كورمە وتكىزەدى، - دەپ حابارلايدى «قامشى» پورتالى Tengrinews.kz-كە سىلتەمە جاساپ.

ءفوتوتىلشى تۇرار قازانعاپوۆتىڭ كورمەسى 1 جەلتوقسان كۇنى "MEGA Astana" ساۋدا جانە ويىن-ساۋىق ورتالىعىندا وتپەك.

اۆتوردىڭ ايتۋىنشا، كورمەدە پرەزيدەنتتىڭ قاتىسۋىمەن تۇسىرىلگەن 20 سۋرەت كورسەتىلەدى. فوتوگراف نۇرسۇلتان نازاربايەۆتى ەرەكشە جاعدايلاردا تۇسىرگەن. "ءبىز سايتتار مەن تەلەديدارلاردان پرەزيدەنتتى ءبىر قىرىنان عانا كورەمىز. مەن ونىڭ قاتال، كۇلگەن ساتتەرىن تاڭداۋعا تىرىستىم"، - دەدى تۇرار قازانعاپوۆ.

تۇرار قازانعاپوۆ ءتۇسىرىلىم كەزىندە ەشقانداي قيىندىق بولماعانىن ايتتى. "پرەزيدەنتتى كادردا "ۇستاپ الۋ" قيىن ەمەس. قيىنى - ونىڭ كوڭىل-كۇيىن جەتكىزۋ"، - دەدى ول.

قازانعاپوۆ نازاربايەۆ بەينەلەنگەن ءوزىنىڭ ەڭ سۇيىكتى سۋرەتىن ازىرشە تاڭداعان جوق. "مۇمكىن، مەن ونى بۇگىن تۇسىرەرمىن، - دەدى ول. - پرەزيدەنتتىڭ قاتىسۋىمەن بولاتىن شارالارعا بارار كەزدە ۇنەمى ءوزىم تۋرالى ويلايمىن".

"كامەرانى ادامدار جاۋىپ قالاتىن ساتتەر كوپ بولادى. ونداي كەزدە فوتواپپاراتتى كوتەرىپ، وسىنداي كادر الامىن"، - دەدى قازانعاپوۆ.

مەملەكەت باسشىسىن تاعى سۋرەتكە ءتۇسىرۋ تۋرالى سۇراققا تۇرار قازانعاپوۆ كۇلىمدەپ جاۋاپ بەردى: "مەن ونىمەن كەمىندە ءبىر كۇن وتكىزىپ، مىسالى ونىڭ ۇيىندە تاڭعى اس كەزىندە تۇسىرەر ەدىم".

ايتا كەتەيىك، تۇرار قازانعاپوۆتىڭ قولىنان شىققان سۋرەتتەر ءبىزدىڭ "فوتوبايان" ايدارىمىزدا ءجيى جاريالانادى. ال مىنا جەردەن ونىڭ جۇمىستان تىس تۇسىرگەن سۋرەتتەرىن كورۋگە بولادى.

 «قامشى» سىلتەيدى