قازاقستان يوردانياعا وق وتكىزبەيتىن 50 اسكەري كولىك ەكسپورتتاماق. بۇل تۋرالى»قامشى» پورتالى قازاقپاراتقا سىلتەمە جاساپ حابارلايدى.

"ليسەنزيالىق كەلىسىم بويىنشا، كولىكتەردى الەمنىڭ 12 ەلىنە، تمد، بالتىق مەملەكەتتەرىنە، تاياۋ شىعىس، جۇڭگو، رەسەيگە ساتا الامىز. مۇندا ارنايى ساۋىتتى كولىكتەرمەن قاتار، ازاماتتىق ءونىم دە شىعارۋعا بولادى. سونداي-اق ءبىز ءقازىر كاماز كومپانياسىمەن بىرگە ولاردىڭ قوزعالتقىشتارى مەن ەلەكتر جۇيەلەرىن وسى كولىكتەرگە ەنگىزۋدى كوزدەۋدەمىز"، - دەيدى اتالمىش ساۋىتتى كولىكتەردى شىعاراتىن «قازاقستان پاراماۋنت ينجينيرينگ» ج ش س باسشىسى ەربول ءسالىموۆ.

ونىڭ سوزىنە قاراعاندا، زاۋىت جەكە مەنشىك يەلىكتە، ينۆەستيسيالار دا جەكە كوزدەردەن كەلدى. كومپانيا 50 دە 50 ۇلەسپەن قۇرىلدى. ينۆەستيسيالار كولەمى - 7 ملرد. 80 ملن. تەڭگە.

"زاۋىت بيىل قازان ايىندا اشىلدى. ءبىراق وندىرىستىك قۋاتىنا ەندى عانا شىقتى. ءبىز ەكى كورپۋستى اشتىق. قۇرىلىس 2014 جىلدىڭ ءساۋىر ايىندا باستالدى. بەلسەندى قۇرىلىس 2015 جىلى قولعا الىندى. زاۋىتتى 6 ايدا بىتىردىك دەسەك دە بولادى.

ءبىز يوردانياعا 50 كولىكتى جەتكىزۋدى جوسپارلاۋدامىز، تاراپتار اراسىندا ءتيىستى مەموراندۋم بار"، - دەپ اتاپ ءوتتى ە. ءسالىموۆ.

"جىلىنا 120 كولىك شىعاراتىن بولساق، جۇمىسكەرلەر سانى 150 ادامعا جەتەدى. 53 ادام وڭتۇستىك افريكادا دانەكەرلەۋ ينستيتۋتىندا بىلىمدەرىن جەتىلدىرىپ قايتتى.

ەكسپورت ماسەلەسى سىرتقى ىستەر مينيسترلىگىنىڭ دەڭگەيىندە شەشىلۋدە. ءبىزدىڭ ەلشىلىكتەر مەن اسكەري اتتاشەلەر بىرنەشە مەملەكەتپەن كەلىسسوزدەر جۇرگىزۋدە. بەلگىلى ءبىر بايلانىستار بار، سەبەبى قازاقستاننىڭ لوگيستيكالىق ەرەكشەلىكتەرىنە بايلانىستى ءونىم سۇرانىسقا يە بولادى دەپ ويلايمىز.

ءبىز ءۇش ءتۇرلى كولىك: 4ح4 «ارلان»، 4ح4 «نوماد» جانە 6ح6 «بارىس» ماركالارىن شىعارامىز. كەڭەيتۋگە ءازىرمىز، بولاشاقتا ارنايى كولىكتەردى، يناسساتورلىق كولىكتەردى، وق وتپەيتىن دوڭعالاقتى كولىكتەردى جاساماقپىز.

«ارلان» اسكەري كولىگى قورشاۋدا قالعان ادامداردى وقتان امان-ەسەن الىپ شىعارۋعا ارنالعان. ول مينالاردان، بالليستيكالىق قارۋلاردان قورعايدى، وق وتكىزبەيدى"، - دەدى زاۋىت باسشىسى.