ءال-فارابي اتىنداعى قازاق ۇلتتىق ۋنيۆەرسيتەتىندە جاس عالىمدار ءۇيى اشىلدى، - دەپ حابارلايدى «قامشى» پورتالى وقۋ ورنىنىڭ باسپا ءسوز قىزمەتىنە سىلتەمە جاساپ.

بۇل قازاقستانداعى ماگيسترانتتار مەن دوكتورانتتارعا ارنالعان العاشقى تۇرعىن ءۇي كەشەنى. الەۋمەتتىك ماڭىزى بار نىساننىڭ قۇرىلىسىنا مەملەكەتتىك-جەكەمەنشىك ارىپتەستىك نەگىزىندە ينۆەستيسيالار تارتىلدى. 

«ءبىزدىڭ كەشەن وزگە ۋنيۆەرسيتەتتەرگە ۇلگى بولارلىقتاي. سەبەبى قازاقستانداعى جوعارى وقۋ ورىندارىندا مۇنداي تۇرعىن ءۇي نىسانى جوق. ۋنيۆەرسيتەت باسشىلىعى جاس عالىمداردىڭ تۇرعىن ءۇي ماسەلەلەسىنە وتە كوپ كوڭىل بولەدى. ال ول ءوز كەزەگىندە ساپالى كاسىبي مامان دايىنداۋدا وڭ ناتيجە بەرۋدە»، - دەيدى قازۇۋ-دىڭ ءبىرىنشى پرورەكتورى مۇحامبەتقالي بۇركىتبايەۆ.

تۇرعىنداردىڭ قۋانىشىندا شەك جوك. ەندى ولار كوممەرسيالىق باسپانا ىزدەپ اۋرە بولمايدى، ونىڭ ۇستىنە قارجىلارىن دا ءبىرشاما ۇنەمدەيتىن بولادى. ەكونوميكالىق تۇراقسىزدىق جاعدايىندا بۇل جاستاردىقولداۋعا باعىتتالعاناۋقىمدى جوبا. ونىڭ ۇستىنە تۇرعىن ءۇي كەشەنى بارلىق زاماناۋي تالاپتارعا ساي. قازۇۋ ماگيسترانتتارى مەن دوكتورانتتارى بۇگىندە جايلى بولمەلەردە قونىس تويىن تويلاۋدا. مۇندا دارەتحانا، سەبەزگى كابينالارى مەن جاڭا جيھاز، ءبىر سوزبەن ايتقاندا تۇرمىستا قاجەتتىنىڭ ءبارى بار. ءار قاباتتا تولىق جابدىقتالعان اس بولمەسى مەن كىر جۋاتىن جاي قاراستىرىلعان. سونىمەن قاتار، زاماناۋي تەلەكوممۋنيكاسيالىق جىلدامدىعى جوعارى Wi-Fiجەلىسى ورناتىلعان، دەنساۋلىق ساقتاۋ پۋنكتى مەن بي جانە جاتتىعۋ زالدارى دا جۇمىس جاسايدى. جاس عالىمدار ءۇيى قالاشىق اۋماعىندا ىڭعايلى ورنالاسقان جانە ءۇيدىڭ الدىندا بالالار الاڭقايى مەن اۆتوتۇراق بار.

«ءبىز، جاستارعا، سونىڭ ىشىندە ستۋدەنت جاستارعا اسا ۇلكەن كولەمدە كوڭىل ءبولىپ وتىرعان مەملەكەتىمىزگە، پرەزيدەنتىمىزگە العىسىمىز شەكسىز.جاس عالىمدار ءۇيى – ءبىزدىڭ ەكىنشى ءۇيىمىز. مۇندا جايلى ءومىر سۇرۋگە ارنالعان قاجەتتىنىڭ ءبارى بار. ونىڭ ۇستىنە جەمىستى ەڭبەك ەتۋگە دە بارلىق جاعداي جاسالعان. مۇندا جاس عالىمدار بولاشاقتا ۇلكەن-ۇلكەن عىلىمي جوبالارعا اينالىتىن جاڭا يدەيالاردى تۋدىرادى»، - دەپ قۋانىشىمەن بولىسەدى حيميا جانە حيميالىق تەحنولوگيالار فاكۋلتەتىنىڭ دوكتورانتى اينۇر يمانعالييەۆا.

قازۇۋ-دا شەتەل جوعارى وقۋ ورىندارىنان كەلگەن پروفەسسورلاردى عىلىمي جەتەكشىلىك جاساپ جۇرگەن ستۋدەنتتەرىمەن جۇمىس بارىسىندا ءجيى كەزدەستىرۋگە بولادى. جالپى اۋماعى 4،5 مىڭ شارشى مەتر بولاتىن 500 ورىنعا شاقتالعان جاس عالىمدار ۇيىندە پروفەسسورلارعا ارنالعان بولمەلەر دە قاراستىرىلعان. سول ارقىلى جاستاردىڭ شىعارماشىلىق جانە عىلىمي الەۋەتىن كوتەرۋگە سەپتىگىن تيگىزەتىن عىلىمي-زياتكەرلىك ورتا قالىپتاسۋدا.

بۇل ۋنيۆەرسيتەت تاراپىنان مەملەكەتتىك-جەكەمەنشىك ارىپتەستىك نەگىزىندە سالىنعان جالعىز نىسان ەمەس. وتكەن جىلى جاڭا كىتاپحانا مەن «كەرەمەت» ستۋدەنتتەرگە قىزمەت كورسەتۋ ورتالىعىنىڭ قۇرىلىسى اياقتالعان بولاتىن. كەلەسى جىلدىڭ باسىندا ءجۇزۋ باسسەينى قولدانىسقا بەرىلەدى.