نارىقپەن بىرگە جارناما سالاسى دا ەلدە كۇن ساناپ جەتىلىپ كەلەدى. ۋاقىت وتە كەلە جارنامانىڭ ءتۇرلى فورمالارى مەن ادىستەرى قولدانىسقا ەنۋدە. وسى ورايدا، Tele 2 وپەراتورى ءوز جارناماسىندا جىبەرگەن ولقىلىق تۋرالى قولىما قالام الىپ وتىرمىن.

ارينە، قانشا جەردەن جارناما، باسەكەلەستىك دەگەنمەن، تۋعان ەلىمنىڭ، تۋعان جەرىمنىڭ اتاۋىنىڭ ءدال وسىلاي مازاق بولعانى، "قازاقستان" دەگەن قاسيەتتى ءسوزدىڭ بىت-شىت بولىپ، ءبولىنىپ، سىندىرىلعانى كوڭىلىمە اۋىر ءتيدى. اقشا مەن جارنامادان دا بيىك تۇراتىن دۇنيەلەردىڭ بار ەكەنىن تەلە2 ۇمىتقان سىڭايلى. بازبىرەۋلەرگە بۇل بولماشى ءىس، ەلەۋگە تۇرمايتىن دۇنيە بولىپ كورىنۋى مۇمكىن، ءبىراق، بۇتىندەي قارايعان حالىققا مەكەن بولىپ وتىرعان ەل اتاۋىن قورلاۋدى سۇمدىق ءىس دەپ بىلەمىن.

ءتيىستى ورىندار قوعامدا نارازىلىققا ۇشىراعان وسى ورەسكەل قاتەنى تۇزەتۋگە ىقپال ەتەدى دەپ سەنەمىن. 

الماس ساكەنوۆ