شىعىس قازاقستان وبلىسىندا «ەرتىس» الەۋمەتتىك كاسىپكەرلىك كورپوراسياسىنىڭ ءتوراعاسى ماناربەك ساپارعالييەۆ پارامەن ۇستالدى.
جەمقورلىققا قارسى قىزمەت وكىلدەرى اقشانى ساناپ الىپ جاتقان جەرىندە ونىڭ ۇستىنەن تۇسكەن، - دەپ حابارلايدى «كتك» ارناسى.
وسىلايشا ساپارعالييەۆ دەلدالى جەتكىزگەن 1 ميلليون 200 مىڭ تەڭگەنى الىپ جاتقاندا ابدىراپ قالدى. قۇزىرلى ورگان مالىمەتىنشە ول بۇل اقشانى وزىنە باعىنىشتى كاسىپورىن ديرەكتورىنان العان كورىنەدى.
ويتكەنى پارا بەرمەسەڭ جىلى ورنىڭنان قۋامىن دەپ قورقىتقان ەكەن. ماناربەك ساپارعالييەۆ ءار جىلدارى الماتىداعى المالى جانە بوستاندىق اۋداندارى اكىمدەرىنىڭ ورىنباسارى قىزمەتىن اتقارعان. ال شىعىس قازاقستان وبلىسىندا وسكەمەن جانە ريددەر قالالارىنىڭ اكىمى بولىپ تا جۇمىس ىستەدى.
