جارتى جىلعا سوزىلعان ەلىمىزدەگى ايتۋلى ءان باسەكەسى «قازاقستان داۋىسىنىڭ» ءۇشىنشى ماۋسىمى شەشۋى سىنعا تايادى، - دەپ حابارلايدى تەلەارنانىڭ باسپا ءسوز قىزمەتى.

بىرنەشە اپتادان بەرى «قازاقستان» ۇلتتىق ارناسىنىڭ تىكەلەي ەفيرىندە كورەرمەننىڭ داۋىس بەرۋىمەن ۇزدىكتەر ىرىكتەلۋدە.

ءقازىر 16 ءانشىنىڭ ىشىنەن كوپشىلىكتىڭ تاڭداۋى بويىنشا 4 لايىقتى ونەرپاز عانا قالدى. الداعى جەكسەنبىدە وسى تورتتىكتىڭ اراسىنان كىمنىڭ جەڭىمپاز اتانىپ، باس جۇلدە 5 ملن. تەڭگەنى يەلەنەتىنى انىقتالادى. باسەكەنىڭ فينالدىق سايىسى وتە تارتىستى ءارى قىزىقتى بولادى. ۇمىتكەرلەر بىرنەشە مارتە ءان شىرقايدى. العاشقى كەزەڭدە ەلىمىزدىڭ تانىمال جۇلدىزدارىمەن جۇپ بولىپ ونەر كەرسەتسە، ەكىنشى كەزەڭدە تالىمگەرلەرىمەن قوسىلىپ ءان سالادى. ال ءۇشىنشى سىندا جەكە-جەكە شەبەرلىگىن سىنايدى. بۇل جولى تالىمگەرلەر شاكىرتتەرىنە كومەكتەسە المايدى. جەڭىمپازداردى تەك كورەرمەن داۋىس بەرۋ ارقىلى شەشەدى.

رۇستەم نۇرجىگىتتىڭ توبىنان قىتايدان كەلگەن قانداسىمىز ءجاننات ءادىلحان قىزى ب ا ق سىنايدى. ونىڭ رەتتىك ءنومىرى - 9. مادينا سادۋاقاسوۆانىڭ شاكىرتى ەربول تاجىبايەۆ، رەتتىك ءنومىرى - 16.نۇرلان الباننىڭ شاكىرىتى مۇراتبەك حايرولدا 3ء-شى رەتتىك ءنومىر بويىنشا سىنعا تۇسەدى. الماس كىشكەنبايەۆتىڭ شاكىرتى ديانا يسمايلوۆانىڭ ءنومىرى -7.

تىكەلەي ەفيردەگى تارتىسقا تولى ءان سايىستى «قازاقستان» ۇلتتىق ارناسىنان وسى جەكسەنبىدە تاماشالاي الاسىزدار.