«قازاقستان» ۇلتتىق ارناسىنداعى «قازاقستان» داۋىسى ءان باقاۋىنىڭ ءۇشىنشى ماۋسىمى بۇگىن مارەسىنە جەتتى. كورەرمەن داۋسىمەن جوبا جەڭىمپازى بولىپ موڭعوليادان كەلىپ، باعىن سىناعان جاس ءانشى مۇراتبەك حايرولدا تانىلدى. مۇراتبەك جوبادان تانىمال ەسترادا ءانشىسى نۇرلان الباننىڭ تالىمگەرى بولعان ەدى.
جەڭىمپاز ۇيىمداستىرۋشىلار تاعايىنداعان 5 ميلليون تەڭگەگە يە بولدى.
ەستەرىڭىزگە سالساق، «قازاقستان داۋىسى» 2013 جىلدان باستاپ ۇلتتىق ارنادا جارىق كورىپ كەلە جاتقان جوبا.
جوبا شارتى بويىنشا قاتىسۋشىلار تەك داۋىسقا عانا سۇيەنىپ ب ا ق سىناسادى. جۇزدەن اسا قاتىسۋشىلاردىڭ ىشىنەن ءمادينا ءسادۋاقاسوۆا، الماس كىشكەنبايەۆ، نۇرلان البان مەن رۇستەم نۇرجىگىت سىندى قازاق ەستاراداسىنىڭ جۇلدىزدارى ءوز كومانداسىن جينايتىن بولادى. تىڭداۋ سىناعى كەزىندە جۇلدىزدى ءادىل-قازىلار القاسىنىڭ مۇشەلەرى قاتىسۋشىلىردىڭ وزدەرىن كورمەي-اق ولارعا باعا بەرەدى. قورىتىندىسىندا ءتورت توپ العا سۋىرىلىپ شىعاتىن بولادى. ال فينالعا سولاردىڭ ىشىنەن تەك تورتەۋى عانا وتەدى. جوبانىڭ جەڭىمپازى حالىقتىڭ ونلاين داۋىس بەرۋى ارقىلى انىقتالادى.
