ق ر ۇلتتىق بانكى بىرنەشە ەسكەرتكىش مونەتالاردى اينالىسقا شىعارادى، - دەپ حابارلايدى «قامشى» پورتالى بانكتىڭ باسپا ءسوز قىزمەتىنە سىلتەمە جاساپ.
«قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى قازاقستان رەسپۋبليكاسىنىڭ №2155 زاڭىنا سايكەس، قازاقستان رەسپۋبليكاسىنىڭ ۇلتتىق بانكى 2015 جىلعى 25 جەلتوقساندا نومينالى 500 تەڭگەلىك، «proof» ساپاسىمەن «دالا قازىناسى» مونەتالار سەرياسىنان «القا» ەسكەرتكىش كۇمىس مونەتالارىن، نومينالى 500 تەڭگەلىك «proof» ساپاسىمەن كۇمىستەن جانە نومينالى 50 تەڭگەلىك نەيزيلبەر قوسپاسىنان «قازاقستان حالقىنىڭ ەرتەگىلەرى» مونەتالار سەرياسىنان «شىعىس ەرتەگىسى» (قوجاناسىر) ەسكەرتكىش مونەتالارىن، نومينالى 500 تەڭگەلىك «proof» ساپاسىمەن بيكولورلى جانە نومينالى 50 تەڭگەلىك نەيزيلبەر قوسپاسىنان «عارىش» مونەتالار سەرياسىنان «ۆەنەرا-10» ەسكەرتكىش مونەتالارىن شىعارادى. سونىمەن بىرگە نومينالى 50 تەڭگەلىك نەيزيلبەر قوسپاسىنان «ەستە قالاتىن وقيعالار مەن ءبىرتۋار ادامدار» مونەتالار سەرياسىنان «ءى.ەسەنبەرلينگە 100 جىل»، «ج.تاشەنيەۆكە 100 جىل»، «ە.بەكماحانوۆقا 100 جىل» ەسكەرتكىش مونەتالارى اينالىسقا شىعارىلادى.
«القا» مونەتالارىنىڭ سيپاتتاماسى»:
مونەتانىڭ ءپىشىنى ءتورت قىرلى.
مونەتالاردىڭ بەت جاعىندا (اۆەرسىندە) ورتالىق بولىگىندە مەملەكەتتىك تىلدەگى «قازاقستان ۇلتتىق بانكى» جانە اعىلشىن تىلىندەگى «NATIONAL BANK OF KAZAKHSTAN» دەگەن ويىلعان جازبانىڭ قورشاۋىندا قازاقستان رەسپۋبليكاسىنىڭ ەلتاڭباسى بەينەلەنگەن. مونەتانىڭ تومەنگى بولىگىندە مونەتانىڭ نومينالىن بىلدىرەتىن «500 تەڭگە» دەگەن جازبا، قازاقستان تەڭگە سارايىنىڭ تاۋار بەلگىسى جانە قازاقستان رەسپۋبليكاسى ۇلتتىق بانكىنىڭ لوگوتيپى بەينەلەنگەن. مونەتانىڭ جوعارى بولىگىندە سوعىلعان جىلىن بىلدىرەتىن «2015» دەگەن سان، مونەتا دايىندالعان مەتالدى، ونىڭ سىنامىن جانە ماسساسىن بىلدىرەتىن «Ag 925 31،1 g» دەگەن جازۋ بار. مونەتانى اينالدىرا ۇلتتىق ويۋ-ورنەك ەلەمەنتتەرى ورنالاسقان.
مونەتالاردىڭ سىرت جاعىندا (ريەۆەرسىندە) ورتالىق بولىگىندە مەملەكەتتىك تىلدە «دالا قازىناسى · القا»، اعىلشىن تىلىندە «TREASURES OF THE STEPPE · PENDANT» جازۋىنىڭ جانە ۇلتتىق ويۋ-ورنەكتىڭ قورشاۋىندا القانىڭ التىنداتىلعان بەينەسى ورنالاسقان. مونەتانى اينالدىرا ۇلتتىق ويۋ-ورنەكتىڭ ەلەمەنتتەرى ورنالاسقان.
مونەتانىڭ بەت جانە سىرت جاقتارىنداعى بەينەلەر مەن جازبالار بەدەرلەنگەن.
قىرى (گۋرتى) تەگىس، بەدەرى مەن جازۋى جوق.
مونەتالار 925 سىنامدى كۇمىستەن دايىندالعان، ماسساسى - 31،1 گرامم، سيپاتتالعان شەڭبەر ديامەترى - 43 مم، دايىنداۋ ساپاسى - «proof»، تارالىمى - 3 مىڭ دانا.
«القا» ەسكەرتكىش مونەتالارى مونەتالاردىڭ بەتىنە التىن جالاتۋ تەحنولوگياسىن قولدانا وتىرىپ دايىندالعان (القا. التىن. ب.د. I - II عع. قارعالى قازىناسى. جەتىسۋ).
«شىعىس ەرتەگىسى» مونەتالارىنىڭ سيپاتتاماسى:
كۇمىستەن جانە نەيزيلبەر قوسپاسىنان جاسالعان مونەتالاردىڭ بەت جانە سىرت جاقتارىنداعى بەينەلەر بىردەي. «رroof» ساپالى كۇمىس مونەتالارداعى بەينە جىلتىر بەتكە سالىنعان.
مونەتالاردىڭ بەت جاعىندا (اۆەرسىندە) ورتالىق بولىگىندە قازاق جانە شىعىس ويۋ-ورنەكتەرىنەن جاسالعان ويۋ-ورنەك اياسىندا قازاقستان رەسپۋبليكاسىنىڭ ەلتاڭباسى بەينەلەنگەن. تومەنگى بولىگىندە مونەتانىڭ نومينالىن بىلدىرەتىن سان (كۇمىس مونەتادا «500»، نەيزيلبەر قوسپاسىنان جاسالعان مونەتادا «50») جانە «تەڭگە» دەگەن جازۋ بار. سول جانە وڭ جاعىندا بىر-بىرىنە قاراما-قارسى ۇلتتىق ويۋ-ورنەكتىڭ ەلەمەنتى بەينەلەنگەن. اينالدىرا مەملەكەتتىك تىلدە «قازاقستان رەسپۋبليكاسى» جانە ورىس تىلىندە «رەسپۋبليكا كازاحستان» دەگەن جازۋ بار.
مونەتالاردىڭ سىرت جاعىندا (ريەۆەرسىندە) شىعىس بازارىنا ەسەككە ءمىنىپ كەلە جاتقان قوجاناسىردىڭ بەينەسى، قازاقستان رەسپۋبليكاسى ۇلتتىق بانكىنىڭ ەمبلەماسى جانە سوعىلعان جىلىن بىلدىرەتىن «2015» دەگەن سان بەينەلەنگەن. اينالدىرا مەملەكەتتىك تىلدە «قوجاناسىر»، وزبەك تىلىندە «NASRIDDIN AFANDI» دەگەن جازۋ جانە مونەتا دايىندالعان مەتالدى، ونىڭ سىنامىن جانە ماسساسىن بىلدىرەتىن «Ag 925 31،1 g» دەگەن جازۋ بار (كۇمىس مونەتادا).
مونەتالاردىڭ بەت جانە سىرت جاعىنداعى بەينەلەر مەن جازبالار بەدەرلەنگەن. اينالدىرا شىعىڭقى جيەك.
قىرى (گۋرتى) بەدەرلى.
مونەتالار:
- 925 سىنامدى كۇمىستەن دايىندالعان، ماسساسى - 31،1 گرامم، ديامەترى - 38،61 مم، دايىنداۋ ساپاسى - «proof»، تارالىمى - 2 مىڭ دانا؛
- «نەيزيلبەر» قوسپاسىنان جاسالعان، ديامەترى - 31 مم، ماسساسى - 11،17 گرامم، تارالىمى - 100 مىڭ دانا.
قوجاناسىر - وزبەك ەرتەگىلەرىنىڭ فولكلورلىق كەيىپكەرى جانە شىعىس حالىقتارىنىڭ كۇلكىلى قىسقا مينياتيۋرالارىنىڭ كەيىپكەرى. قوجاناسىر ادەبي كەيىپكەرىنىڭ نەگىزگى ەرەكشەلىگى - ۇتقىر ءسوزدىڭ كومەگىمەن كەز كەلگەن جاعدايدان جەڭىمپاز بولىپ شىعۋ. قوجاناسىردىڭ ءجيى قولداناتىن تاسىلدەرى - جالعان ناداندىق جانە ساندىراق قيسىنى. قوجاناسىر بەينەسىنىڭ اجىراماس بولىگى - كوپتەگەن تامسىلدەردە قوجانىڭ سەرىگى بولاتىن ەسەك.
«ۆەنەرا-10» مونەتالارىنىڭ سيپاتتاماسى:
نەيزيلبەر قوسپاسىنان جاسالعان مونەتانىڭ جانە بيكولورلى مونەتانىڭ بەت جانە سىرت جاقتارىنداعى بەينەلەر بىردەي. «رroof» ساپالى بيكولورلى مونەتاداعى بەينە جىلتىر بەتكە سالىنعان.
بيكولورلى (قۇرامداس) مونەتا ورتاسىندا ساقينا مەن ديسكى ورنالاسقان شەڭبەر تۇرىندە. مونەتانىڭ ىشكى ديسكى ءتۇسىن قارا قوشقىلعا وزگەرتۋ تەحنولوگياسىن قولدانا وتىرىپ تانتالدان، سىرتقى ساقيناسى كۇمىستەن جاسالعان.
مونەتالاردىڭ بەت جاعىندا (اۆەرسىندە) ورتادا ادام مەن عالام بىرلىگىن، وتكەن مەن بۇگىنگى كۇننىڭ بايلانىسىن بىلدىرەتىن كومپوزيسيا بەينەلەنگەن. وڭ جاق سەكتوردا مونەتانىڭ نومينالى (بيكولورلى مونەتادا «500 Tەڭگە»، نەيزيلبەر قوسپاسىنان جاسالعان مونەتادا «50 تەڭگە») ورنالاسقان. نومينالدىڭ استىندا ەكى جولعا ورنالاستىرىلعان جانە مونەتا دايىندالعان مەتالدى، ونىڭ سىنامىن جانە ماسساسىن بىلدىرەتىن «Ag 925 14،6 g تا 26،8 g» دەگەن جازۋ (بيكولورلى مونەتادا) بار. اينالدىرا مەملەكەتتىك تىلدە «قازاقستان رەسپۋبليكاسى» جانە اعىلشىن تىلىندە «REPUBLIC OF KAZAKHSTAN» دەگەن جازۋ ورنالاسقان.
مونەتالاردىڭ سىرت جاعىندا (ريەۆەرسىندە) ورتاسىندا ۆەنەرا پلانەتاسىنا جاقىنداعان «ۆەنەرا-10» عارىش اپپاراتىنىڭ بەينەسى ورنالاسقان. اينالدىرا مەملەكەتتىك تىلدە «ۆەنەرا-10»، سوعىلعان جىلىن بىلدىرەتىن «2015» دەگەن سان جانە اعىلشىن تىلىندە «VENERA-10» دەگەن جازۋ بار. اينالدىرا جازۋلار جۇلدىزشالارمەن بولىنگەن.
مونەتالاردىڭ بەت جانە سىرت جاعىنداعى بەينەلەر مەن جازۋلار بەدەرلەنگەن. اينالدىرا شىعىڭقى جيەك.
مونەتالار:
- بيكولورلى ورىنداۋدا، ساقيناسى 925 سىنامدى كۇمىستەن، ماسساسى 14،6 گرامم، ديسكىسى ماسساسى 26،8 گرامم تانتالدان جاسالعان، ديامەترى - 38،61 مم، «proof» ساپالى، ەڭ كوپ دايىنداۋ تارالىمى - 3 مىڭ دانا، قىرى (گۋرتى) بەدەرلەنگەن؛
- «نەيزيلبەر» قوسپاسىنان، ديامەترى - 31 مم، ماسساسى - 11،17 گرامم، تارالىمى - 100 مىڭ دانا، قىرى (گۋرتى) بەدەرلەنگەن.
«ۆەنەرا-10» عارىش اپپاراتىن 1975 جىلعى 14 ماۋسىمدا «پروتون» راكەتا تاسىمالداعىشى جىبەردى. 1975 جىلعى 25 قازاندا «ۆەنەرا-10» اۆتوماتتى ستانسياسىنىڭ اپپاراتى «ۆەنەرا-9» اپپاراتىنىڭ قونۋ نۇكتەسىنەن 2200 كم قاشىقتىقتا پلانەتانىڭ جارىق تۇسەتىن جاعىنا ءساتتى قوندى. اپپاراتتان جەرگە ۆەنەرا بەتىنىڭ تەليەۆيزيالىق بەينەلەرى بەرىلدى. «ۆەنەرا-10» ستانسياسىنىڭ وربيتالىق بولىگى ۆەنەرانىڭ اينالاسىنداعى وربيتاعا شىقتى.
بيكولورلى (قۇرامداس) مونەتا اۋەعارىش ونەركاسىبىندە كەڭىنەن پايدالانىلاتىن مەتالل - تانتالدى قولدانا وتىرىپ دايىندالعان. مونەتالاردى دايىنداعان كەزدە تانتالدىڭ ءتۇسىن وزگەرتۋ تەحنولوگياسى قولدانىلدى. «ۆەنەرا-10» ەسكەرتكىش مونەتالارى «عارىش» مونەتالار سەرياسىن اياقتايدى.
«ءى. ەسەنبەرلينگە 100 جىل»، «ج. تاشەنيەۆكە 100 جىل»، «ە. بەكماحانوۆقا 100 جىل» مونەتالارىنىڭ بەت جاعىنىڭ سيپاتتاماسى:
ەسكەرتكىش مونەتالاردىڭ بەت جاقتارىنداعى بەينەلەر بىردەي.
مونەتالاردىڭ بەت جاعىندا (اۆەرسىندە) جوعارى بولىگىندە قازاقستان رەسپۋبليكاسىنىڭ ەلتاڭباسى بەينەلەنگەن. ەلتاڭبا بەينەسىنەن وڭعا قاراي «قۇب» اببريەۆياتۋراسى ورنالاسقان. تومەنگى بولىگىندە مونەتانىڭ نومينالىن بىلدىرەتىن «50 تەڭگە» دەگەن جازبا ورنالاسقان. نومينالدان سولعا جانە وڭعا قاراي ۇلتتىق ويۋ-ورنەكتىڭ ەلەمەنتى بەينەلەنگەن. اينالدىرا مەملەكەتتىك تىلدە «قازاقستان ۇلتتىق بانكى» دەگەن جازبا ورنالاسقان.
«ءى. ەسەنبەرلينگە 100 جىل» مونەتالارىنىڭ سىرت جاعىنىڭ سيپاتتاماسى:
مونەتانىڭ سىرت جاعىندا (ريەۆەرسىندە) قازاقتىڭ كلاسسيك جازۋشىسىنىڭ بەينەسى، ونىڭ تۋىندىلارىنا يلليۋستراسيالار ءۇزىندىسى، «ءىلياس ەسەنبەرلين» دەگەن جازبا، «100 جىل» دەگەن جازبا جانە سوعىلعان جىلى بەينەلەنگەن.
ءىلياس ەسەنبەرلين - قازاقتىڭ كلاسسيك جازۋشىسى، «كوشپەندىلەر» تريلوگياسىنىڭ جانە باسقا دا ايگىلى ادەبي تۋىندىلاردىڭ اۆتورى.
«ج. تاشەنيەۆكە 100 جىل» مونەتالارىنىڭ سىرت جاعىنىڭ سيپاتتاماسى:
مونەتانىڭ سىرت جاعىندا (ريەۆەرسىندە) قازاقستاننىڭ مەملەكەت قايراتكەرىنىڭ بەينەسى، «جۇمابەك تاشەنيەۆ» دەگەن جازبا، قازاقستاننىڭ مەملەكەتتىك ءرامىزىنىڭ ەلەمەنتى، «100 جىل» دەگەن جازبا جانە سوعىلعان جىلى بەينەلەنگەن.
جۇمابەك تاشەنيەۆ - قازاقستاننىڭ مەملەكەت قايراتكەرى، سولتۇستىك قازاقستاننىڭ بەس وبلىسىنىڭ اۋماعىن كورشى رەسپۋبليكاعا بەرۋدەن ساقتاپ قالعان قازكسر مينيسترلەر كەڭەسىنىڭ بۇرىنعى ءتوراعاسى.
«ە. بەكماحانوۆقا 100 جىل» مونەتالارىنىڭ سىرت جاعىنىڭ سيپاتتاماسى:
مونەتانىڭ سىرت جاعىندا (ريەۆەرسىندە) قازاقستاننىڭ تاريحشى عالىمىنىڭ بەينەسى، «ەرمۇحان بەكماحانوۆ» دەگەن جازبا، «100 جىل» دەگەن جازبا، ونىڭ فاكسيميلەسى جانە سوعىلعان جىلى بەينەلەنگەن.
ەرمۇحان بەكماحانوۆ - قازاقستاننىڭ تاريحشى عالىمى، قازاق كسر عىلىم اكادەمياسىنىڭ كوررەسپوندەنت مۇشەسى، «قازاق كسر تاريحى» العاشقى وقۋلىعىنىڭ اۆتورى.
مونەتالاردىڭ بەت جاعىنداعى جانە سىرت جاعىنداعى بەينەلەر مەن جازۋلار بەدەرلەنگەن. اينالدىرا شىعىڭقى جيەك. قىرى (گۋرتى) بەدەرلى.
مونەتالار «نەيزيلبەر» قوسپاسىنان جاسالعان، ديامەترى - 31 مم، ماسساسى - 11،17 گرامم، تارالىمى - ءاربىر اتاۋىنان 100 مىڭ دانا.
ەسكەرتكىش مونەتالاردى «قازاقستان رەسپۋبليكاسى ۇلتتىق بانكىنىڭ قازاقستان تەڭگە سارايى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى دايىنداعان.
مونەتالاردىڭ ديزاينى قازاقستان رەسپۋبليكاسى پرەزيدەنتىنىڭ 2003 جىلعى 25 قىركۇيەكتەگى №1193 جارلىعىمەن بەكىتىلگەن قازاقستان تەڭگەسى - ۇلتتىق ۆاليۋتا بانكنوتتارى مەن مونەتالارى ديزاينىنىڭ تۇجىرىمداماسىنا سايكەس ازىرلەنگەن.
نومينالى 500 تەڭگەلىك جانە 50 تەڭگەلىك ەسكەرتكىش مونەتالار قازاقستان رەسپۋبليكاسىنىڭ بۇكىل اۋماعىندا كورسەتىلگەن قۇنىمەن تولەمنىڭ بارلىق تۇرلەرى بويىنشا، سونداي-اق شوتتارعا، سالىمدارعا، اككرەديتيۆتەرگە ەسەپتەۋ ءۇشىن جانە اۋدارىم جاساۋ ءۇشىن قابىلدانۋعا مىندەتتى، قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.
«Proof» ساپاسىمەن جاسالعان مونەتالار كوللەكسيالىق قۇنى بويىنشا ساتۋعا ارنالعان. ولار كادەسىيلىق وراۋمەن شىعارىلادى جانە قازاقستان رەسپۋبليكاسى ۇلتتىق بانكىنىڭ مەملەكەتتىك، ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان.
نەيزيلبەر قوسپاسىنان جاسالعان مونەتالاردىڭ التى مىڭ داناسى جاقسارتىلعان ساپامەن دايىندالعان جانە ساتۋ ءۇشىن ارنايى پلاستيكالىق تەرموۆاكۋۋمدى وراۋعا سالىنعان.
مونەتالاردى قازاقستان رەسپۋبليكاسى ۇلتتىق بانكىنىڭ بارلىق فيليالدارىندا، ال «proof» ساپالى كۇمىستەن جاسالعان مونەتالاردى قرۇب-نىڭ www.nationalbank.kz سايتىنىڭ «ۇلتتىق ۆاليۋتا» پاراقشاسىنداعى ينتەرنەت - دۇكەن ارقىلى ساتىپ الۋعا بولادى.
