وسىدان 76 جىل بۇرىن (1939-2014) قازاقتىڭ اقىن قىزى، قازاقستان رەسپۋبليكاسى مەملەكەتتىك سىيلىعىنىڭ لاۋرەاتى، قازاقستان رەسپۋبليكاسىنىڭ حالىق جازۋشىسى وڭعارسىنوۆا فاريزا وڭعارسىن قىزى دۇنيەگە كەلدى. اتىراۋ وبلىسىندا تۋعان. اتىراۋ مەملەكەتتىك پەداگوگيكا ينستيتۋتىن بىتىرگەن. اۋىلدىق مەكتەپتىڭ ءمۇعالىمى قىزمەتىن اتقارعان.

1966-1969 جىلدارى - «كوممۋنيستىك ەڭبەك» وبلىستىق گازەتىنىڭ ادەبي قىزمەتكەرى. 1969-1977 جىلدارى - «لەنينشىل جاس» («جاس الاش») گازەتىنىڭ اتىراۋ، اقتوبە، ورال وبلىستارى بويىنشا مەنشىكتى ءتىلشىسى، «قازاقستان پيونەرى» گازەتىنىڭ رەداكتورى. 1978 جىلى - «پيونەر» جۋرنالىنىڭ باس رەداكتورى. العاشقى كىتابى «ساندۋعاش» 1967 جىلى جارىق كورگەن. «مەلوديا»، «بەسپوكوينايا پورا»، «گوردوە پوكولەنيە»، «كوگەرشىندەرىم»، «تريەۆوگي»، «وجيدانيە سولنسا»، «وزارەنيە» جىر جيناقتارىنىڭ، «بيىكتىك» وچەركتەر جيناقتارىنىڭ، «ءبىزدىڭ كامشات» پوۆەسىنىڭ، ءا.تاجىبايەۆ، م.ماقاتايەۆ، چيلي اقىنى پابلو نەرۋدى شىعارماشىلىقتارى تۋرالى ادەبي-سىن ماقالالاردىڭ اۆتورى. س.ۆانگەليدىڭ «پريكليۋچەنيا گۋگۋسە»، «دەدۋشكين مينيستر» بالالارعا ارنالعان پوۆەستەرىن، س.كاپۋتيكياننىڭ، ە.ەۆتۋشەنكونىڭ، ر.كازاكوۆانىڭ، اراب اقىنى ءابدۋراحمان ءال-حاميسيدىڭ ولەڭدەرىن، پ.نەرۋدىڭ كىتاپتارىن قازاقشا اۋدارعان. اقىننىڭ كوپتەگەن شىعارمالارى شەت تىلدەرگە اۋدارىلعان.

 قازاقستان رەسپۋبليكاسى پارلامەنتى ءماجىلىسىنىڭ ءبىرىنشى جانە ەكىنشى شاقىرىلىمىنىڭ دەپۋتاتى بولعان. «قۇرمەت بەلگىسى»، «پاراسات» وردەندەرىمەن، مەدالدارمەن ماراپاتتالعان.

اقىن 2014 جىلى 23 قاڭتاردا دۇنيەدەن ءوتتى.