رەسەيدىڭ استراحان وبلىسىنداعى كاپۋستين يار پوليگونىنان ۇشىرىلعان «توپول» بالليستيكالىق زىمىرانى قازاقستاننىڭ قاراعاندى وبلىسى اۋماعىنداعى سارىشاعان اسكەري پوليگونىنداعى نىسانعا كەلىپ قۇلادى، - دەپ حابارلايدى «قامشى» پورتالى.
بۇل تۋرالى اقپاراتتى رف قورعانىس مينيسترلىگى ستراتەگيالىق ماقساتتاعى زىمىران اسكەرلەرى باسپا ءسوز قىزمەتى تاراتتى. زىمىرانمەن اتۋداعى ماقسات بالليستيكالىق زىمىرانداردى تەكسەرۋ بولعان.
«2015 جىلعى 24 جەلتوقساندا ماسكەۋ ۋاقىتىمەن 20 ساعات 55 مينۋتتا ستراتەگيالىق ماقساتتاعى زىمىران اسكەرلەرىنىڭ «كاپۋستين يار» مەملەكەتتىك ورتالىق پوليگونىنان رس-12م «توپول» زىمىرانىنىڭ ۇشىرىلۋى بولدى. زىمىران نىساناعا ءدال ءتيدى» دەلىنگەن حابارلامادا.
