ەلىمىزدەگى ساياسي پارتيالار حالىقتان نەلىكتەن سونشا الشاق؟ ولارعا دەگەن سەنىم نەگە تومەن؟ البەتتە، بۇنىڭ سەبەپتەرى جەتەرلىك. الايدا سولاردىڭ ىشىندەگى، مەنىڭشە، كەلەلىسى - سانى كوپ، اتاۋى ءارقيلى بولعانىمەن، بارلىعىنىڭ دەرلىك شىققان تەگى ءبىر، كوسەمدەرى دە سول ماڭنان ەكەندىگى - كوممۋنيزمنەن. كسرو كەزىندە كوممۋنيستىك پارتيادان باسقا ساياسي كۇشتەرگە تىيىم سالىنعان ەدى. راس، ءسوز جۇزىندە ونداي تىيىم بۇگىندە جوق. ءبىراق ءىس جۇزىندە تەك بيلىككە ۇنامدىسى عانا راسىمدەلەتىنى بەلگىلى. ناتيجە: ناقتى ءىس جوق، بوس ءسوز قاپتاعان، "كوپپارتيالى" پارلامەنتتە شەشىمدەر اپ-ساتتە ءبىراۋىزدان قابىلدانعان، شىنايى ەل يگىلىگىنىڭ ورنىن كوزبوياۋشىلىق جاپقان، ەڭبەك ادامدارى ەمەس، قاجەتسىز قۇجات وندىرۋشىلەر سالتانات قۇرعان زامان.

وسى جىلدار بويىندا بايقاۋىمشا وزگەرگەن دۇنيە بىرەۋ - قيالي كوممۋنيزم ورنىن جاۋاپتىسى نەعايبىل «2050» باعدارلاماسى الماستىرعانى عانا.

راسۋل جۇمالىنىڭ «فەيسبۋك» پاراقشاسىنان الىندى