حالىقتىڭ تۇرعىن ۇيگە قولجەتىمدىلىگىن ارتتىرۋ ماقساتىندا 2016-2018 جىلدارى جالعا بەرىلەتىن، 817 مىڭ شارشى مەتردى قۇرايتىن 13 600 پاتەر سالىنادى نەمەسە ساتىپ الىنادى. بۇل تۋرالى بۇگىن پارلامەنت ماجىلىسىندەگى داعدارىسقا قارسى شارالارعا ارنالعان ۇكىمەت ساعاتىندا ق ر ۇلتتىق ەكونوميكا ءمينيسترى ەربولات دوسايەۆ وسىلاي ءمالىم ەتتى.
«بۇدان بولەك، «تۇرعىن ءۇي قۇرىلىس جيناق بانكى» اق كليەنتتەرىنىڭ سالىمىنا قاتىستى وتەماقىنى قامتۋ قاراستىرىلادى. بۇل رەتتە ۇكىمەت رەزەرۆىنەن 2016 جىلى 20،9 ملرد، 2017 جىلى 16 ملرد تەڭگە ءبولۋ كوزدەلىپ وتىر. سونىمەن قاتار، تۇرعىن ءۇي قۇرىلىسى سالاسىندا ۇلەستىك سالىمداردى كەپىلدەندىرۋ قورىن قۇرۋ ماقساتىندا «بايتەرەك» حولدينگىنىڭ جارعىلىق كاپيتالى ون ميلليارد تەڭگەگە ارتادى»، - دەيدى ە. دوسايەۆ.
