جۇڭگو قازاقتارىن شۋلاتقان بۇل اراق جاقىندا عانا ساتىلىمعا شىققان كورىنەدى. ەستەرىڭىزدە بولسا، كورشىمىز وسىدان بىرنەشە جىل بۇرىن دومبىرا ءپىشىندى «جىندى سۋ» شىعارىپ تا، قازاقتىڭ تامىرىن باسىپ كورگەن. ءيىسى قازاق «ۇلتتىق قۇندىلىعىمىزدى قورلاتپايمىز» دەپ قانشا ايقايلاسادا، ءبىزدىڭ بيلىك مىڭق دەمەپ ەدى... ەندى مىنە اتالارىمىز بەن اجەلەرىمىزدىڭ سان عاسىرلىق كوز مايىن تاۋىسىپ، ۇرپاققا قالدىرعان ۇلى مۇراسى – ويۋ-ورنەكتەردە ءازازىل اراقتىڭ سانىنە اينالدى.
قازىرگە مەملەكەتقۇرشى قازاق ۇلتى بولىپ تابىلاتىن قازاقستاننىڭ رەسمي بيلىگى دە، «ستراتەگيالىق ارىپتەس»، «تاتۋ كورشى» دەپ سانالاتىن جۇڭگو بيلىگى دە بۇل باسسىزدىققا ءۇن قاتقان جوق. تەك قايمانا قازاق نامىستان جارالىپ بارا جاتىر... ەگەر مەملەكەت رەتىندە، ۇلت رەتىندە ءوز قۇقىعىمىزدى تالاپ ەتە الماساق، التى الاشتىڭ رۋحىن اياققا تاپتاعانمەن بىردەي بولامىز. ءتىپتى، الداعى ۋاقىتتا «تولە بي»، «قابانباي باتىر»، «دومالاق انا» دەپ اتالاتىن اراق-شاراپتى قولىندا ءسپيرتى بار كەز كەلگەن ادام، كەز كەلگەن ەل شىعارىپ جاتسا تاڭعالماڭىز!
