«قازاقستان» ۇلتتىق ارناسى جاريالاعان «جىل تاڭداۋى – 2015» بايقاۋى بويىنشا قازاق كاسىپقوي بوكسشىسى قانات يسلام «جىلدىڭ ۇزدىك سپورتشىسى» اتاعىنا يە بولدى، - دەپ حابارلايدى «قامشى» پورتالى.

بايقاۋ «ۇزدىك باعدارلاما» («جايدارمان» تەليەۆيزيالىق جوباسى(، «ۇزدىك وتاندىق تەلەحيكايا» («جاڭا قونىس» تەلەحيكاياسى(، «ۇزدىك جۇرگىزۋشى» (گۇلناز اۋدانبايەۆا( نوميناسيالارى بويىنشا دا ۇزدىكتەردى انىقتادى.

قازاقستاندىق كاسىپقوي بوكسشى قانات يسلام ۇلى WBA FedeCaribe تۇجىرىمىنىڭ چەمپيونى. ياعني، قانات يسلام ورتاشا جەڭىل سالماق بويىنشا كاريب ايماعىنىڭ ۇزدىگى. اۋەسقوي بوكسشى رەتىندە جۇڭگو حالىق رەسپۋبليكاسى ۇلتتىق قۇراما كومانداسىنىڭ قۇرامىندا پەكين وليمپياداسىنىڭ قولا جۇلدەگەرى، چيكاگودا وتكەن الەم چەمپيوناتىنىڭ (2007) جانە ازيا ويىندارىنىڭ (2006) قولا جۇلدەگەرى. قىتايدىڭ 10 دۇركىن چەمپيونى.

2010 جىلى ازاماتتىعىن اۋىستىرىپ، اتامەكەنى قازاقستانعا كوشىپ كەلىپ "استانا ارلاندارى" كاسىبي كلۋبىنىڭ مۇشەسى بولىپ 2012 جىلعا دەيىن ونەر كورسەتكەن. ءقازىر كاسىپقوي بوكسشى، نەلسون پروموۋتەرلىك كلۋب اتىنان شىعىپ 12 جەكپە جەك وتكىزىپ ونىن نوكاۋتپەن جەڭىسكە جەتكەن. لاقاپ اتى - قازاق.

مايامي قالاسىندا جاتتىعادى. قانات يسلام ءقازىر دۇنيەجۇزىلىك بوكس كەڭەسىنىڭ (WBC) ەرەجەسى بويىنشا الەم چەمپيونى اتاعىنا تالاسۋعا مۇمكىندىگى بار.

قاراشا ايىندا قانات كاسىپقوي بوكستاعى جيىرماسىنشى كەزدەسۋىن مايامي قالاسىندا دومينيكاندىق بوكسشى دجوناتان باتيستامەن وتكىزىپ، ءبىرىنشى راۋندتا-اق جەڭىسپەن اياقتاعان بولاتىن.