بۇگىن، ق ر قارۋلى كۇشتەرىنىڭ اسكەري-تاريحي مۇراجايى باعالى جادىگەرمەن تولىقتى. مۇراجاي قورىنا 1941-1945 جىلدارداعى ۇلى وتان سوعىسىنىڭ باستى جادىگەرى - جەڭىس تۋىنىڭ كوشىرمەسى بەرىلدى، - دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتىنەن. 

وتكەن اپتادا ماسكەۋدەگى تمد قورعانىس مينيسترلەرى كەڭەسىنىڭ وتىرىسى شەڭبەرىندە رف قورعانىس ءمينيسترى سەرگەي شويگۋ ق ر قورعانىس ءمينيسترى يمانعالي تاسماعامبەتوۆكە جەڭىس تۋىنىڭ تەلنۇسقاسىن تابىستادى. 

«باتىرىمىز راقىمجان قوشقاربايەۆ تىككەن جەڭىس تۋىنىڭ كوشىرمەسى مۇراجايعا تاپسىرىلدى. بالالارىمىز، بولاشاعىمىز ءۇشىن بۇل ۇرپاقتارىمىزدىڭ جەتىستىكتەرى مەن ولاردىڭ قانداي باتىل بولعاندارى تۋرالى ەستەلىكتىڭ نىشانى بولماق»، - دەپ اتاپ ءوتتى ق ر قك باس شتابى باستىعىنىڭ ورىنباسارى - ق ر قك بش تاربيە جانە يدەولوگيالىق جۇمىستار دەپارتامەنتىنىڭ باستىعى گەنەرال-مايور مۇحامەدجان تالاسوۆ. 

قازاقستاندىق ارميانىڭ تاريحى ءۇشىن تۋدىڭ شەجىرەلى ءمانى وتە زور. ەندى جادىگەر قارۋلى كۇشتەرىنىڭ اسكەري-تاريحي مۇراجايىندا لايىقتى ورىن تابادى. ول كەڭەس حالقىنىڭ، ونىڭ ادامگەرشىلىك جانە مورالدىق رۋحىنىڭ قۋاتتىلىعى مەن مىزعىماستىعىنىڭ جارقىن سيمۆولى رەتىندە ۇوس ارنالعان ەكسپوزيسيادا ورنالاستىرىلادى، سونداي-اق وسكەلەڭ ۇرپاققا اسكەري-پاتريوتتىق تاربيە بەرۋدە پايدالانىلادى.

«سوعىس سۇراپىل بولدى. ميلليونداعان ادامنىڭ ءومىرىن قيدى. بۇل تۋدى ماسكەۋدەن باستاپ سوناۋ بەرلينگە دەيىن جاۋىنگەرلەرىمىز سوعىس مايدانىنان الىپ ءوتىپ، فاشيستىك گەرمانيانىڭ تۋىن تىكتى. بۇل تۋمەن جاۋىنگەرلەرىمىز ءومىرىن قيىپ، ايقاسقا اتتاندى جانە وزدەرىنىڭ اسكەري بورىشىن اتقاردى. جەڭىس تۋى - جەڭىسكە قول جەتكىزگەنىمىزدىڭ نىشانى ىسپەتتى»، - دەپ اعىنان جارىلدى ۇلى وتان سوعىسىنا قاتىسۋشى ولەگ لينيك.