تۇركيانىڭ ەرزۋرۋم قالاسىنداعى اۋرۋحانانىڭ ورتوپەديا بولىمىندە ەم قابىلداپ جاتقان ماحمۋت ال-گانيم ەسىمدى يشيم سودىرى تەرەزەدەن سەكىرىپ، قاشىپ كەتكەن. بۇل جايىندا «Birgun» گازەتى حابارلايدى.

اقپاراتتا كوشى-قون پوليسيا دەپارتامەنتى ونى «جانكەشتى» (ءوزىن-وزى جارىپ جىبەرۋشى) دەپ تانىعان. لاڭكەستىككە قارسى كۇرەس دەپارتامەنتى بەرگەن مالىمەتتەردە دە ول «يشيم جانكەشتىسى» دەلىنگەن.

ماحمۋت ال-گانيم لاڭكەستىك ارەكەتتەرى ءۇشىن ءىستى بولىپ، تۇركيا تۇرمەسىندە جازاسىن وتەپ جاتقان بولاتىن. پوليسيا ونىڭ 1986 جىلى سيريانىڭ حالەپ قالاسىندا دۇنيەگە كەلگەنىن، لاڭكەستەر قۇرامىندا سوعىسىپ ءجۇرىپ، قولعا تۇسكەن لاڭكەس ەكەنىن حابارلادى. تۇركيا قۇقىق قورعاۋشىلارىنىڭ ايتۋىنشا، لاڭكەستەر تۇركيانىڭ قاۋىپسىزدىك ماسەلەسىندەگى وسالدىعىن پايدالانىپ جۇرگەن كورىنەدى. پوليسيا ءال-عانيمنىڭ اۋرۋحانادان قاشىپ شىعۋىن سىبايلاستارىنىڭ ارەكەتى دەپ وتىر ءارى راديكال يسلامشىلارعا قارسى قاۋىپسىزدىك كۇشتەرىنىڭ «ۇستانىمىن» دا بىلدىرەدى دەيدى. لاڭكەستەردىڭ تۇزەۋ مەكەمەلەرىندەگى مۇددەلەستەرىنە قولدارى جەتە الماعانىمەن، اۋرۋحانالاردا جاتقاندارىن الىپ شىعۋعا مۇمكىندىكتەرى بار. وسىنى ەسكەرە وتىرىپ، تۇركيالىق باسىلىم ەل ازاماتتارىن قاۋىپسىزدىك شارالارىنا مۇقيات بولۋعا شاقىرعان.

ەستەرىڭىزگە سالا كەتەىك، وتكەن جىلدىڭ قاراشا ايىندا انكارا قالاسىندا يشيم سودىرى ءوزىن-وزى جارىپ، 97 ادام قازا تاپقان ەدى