ۋكراينا اسپانىندا اتىپ قۇلاتىلعان مالايزيالىق ۇشاق ءىسى بويىنشا زەرتتەۋ جۇرگىزگەن Bellingcat ساراپشىلار توبى زەنيتتىك-زىمىراندىق كەشەندى باسقارعان جانە ۇشاقتى اتىپ قۇلاتۋعا بۇيرىق العان 20 اسكەري قىزمەتشىنىڭ ەسىمدەرىن انىقتادى، - دەپ حابارلايدى DW.
ساراپشىلار ازىرلەگەن بايانداما وقيعاعا قاتىسى بار اسكەريلەردىڭ تولىق اتى-جوندەرىمەن بىرگە نيدەرلاندى پروكۋراتۋراسىنا تاپسىرىلعان.
Bellingcat ساراپتاما ورتالىعىنىڭ قۇرىلتايشىسى ەليوت حيگگينس جولاۋشىلار ۇشاعىن اتىپ قۇلاتقان رەسەي اسكەريلەرىن رەسەي مەن ۋكراينا شەكاراسى ماڭىندا وتكەن جىلدىڭ ماۋسىم ايىندا تۇراقتاعان اسكەري بولىنىستەر تۋرالى دەرەكتەر جانە اسكەريلەردىڭ الەۋمەتتىك جەلىلەرگە جاريالاعان سۋرەتتەرى مەن پوستتارى نەگىزىندە انىقتاعانىن ايتادى. ونىڭ ايتۋىنشا، رەسەيلىك 53-زەنيتتىك-زىمىراندىق بريگادانىڭ كەيبىر اسكەري قىزمەتشىلەرى ءتىپتى، كەزەكشىلىك كەستەسىنە دەيىن جەلىگە جاريالاپ وتىرعان.
