ورالدا جاساندى مۇز ايدىندارىنىڭ سانى كوبەيدى. بۇل بالالاردىڭ قىسقى دەمالىسىن قىزىقتى وتكىزۋگە مۇمكىندىك بەرەدى، - دەپ حابارلادى 24-ارنا.

ءقازىر قالاداعى 16 اۋلا كلۋبىنىڭ مۇشەلەرى جاڭا مۇز ايدىنىندا باس قوسىپ، حوككەيدەن سىنعا تۇسۋدە. مۇندا كەز كەلگەن قالا تۇرعىنى كەلىپ سىرعاناق تەبە الادى. قالا بيلىگى تاياۋ ارادا وسىنداي جاساندى مۇز ايدىندارىنىڭ سانىن 35-كە جەتكىزۋدى جوسپارلاپ وتىر. «كۇنى بويى كوك جاشىككە تەلمىرگەننەن گورى تازا اۋادا اسىر سالىپ ويناعان اسا پايدالى. سوندىقتان جەتكىنشەكتەردىڭ ەپتى دە شىمىر بولىپ وسۋىنە بارلىق جاعدايدى جاسايمىز»، - دەيدى ماماندار.

ازات قازيحانوۆ، قالالىق دەنەشىنىقتىرۋ جانە سپورت ءبولىمىنىڭ باسشىسى:

- جوسپارعا سايكەس كوپتەگەن سپارتاكيادالار وتكىزىلەدى. اارداگەرلەر، مۇگەدەكتەر، وقۋشىلار مەن قالا تۇرعىندارى اراسىندا. سونىڭ ىشىندە وسى اۋلا كلۋبتارى اراسىندا، بالالاردىڭ دەمالىس ۋاقىتتارىن پايدالانۋ ءۇشىن، سالاۋاتتى ءومىر سالتىن ناسيحاتتاۋ ءۇشىن دەمالىس كۇندەرى نەشە ءتۇرلى جارىستار وتكىزىلەدى.